Dunyoda

AQSH elchisi Gʻarb Ukrainaga yordam berishda qiyinchilikka duch kelayotganini tan oldi

© Foto : Twitter/U.S. Embassy KyivPribыtiye partii voyennoy pomoщi SSHA v Kiyev. Arxivnoye foto
Pribыtiye partii voyennoy pomoщi SSHA v Kiyev. Arxivnoye foto - Sputnik Oʻzbekiston, 1920, 16.06.2022
Obuna boʻlish
Yandex newsTelegram
AQShning NATOdagi vakilining aytishicha, Kiyevning qurol-yarogʻ soʻrovlari tez-tez oʻzgarib turadi.
TOSHKENT, 16 iyun - Sputnik. Amerika Qoʻshma Shtatlari va uning ittifoqchilari Kiyevga qurol-yarogʻ yetkizib berishda qiyinchiliklarga duch kelmoqda, chunki Ukrainadan soʻrovlar deyarli har kuni kelib tushadi va tez-tez oʻzgarib turadi, baʼzi davlatlar zaxiralarini tugatishga yaqin turibdi. Bu haqda AQShning NATOdagi elchisi Juliann Smit Vashingtondagi konferentsiyada maʼlum qildi, deya yozdi RIA Novosti.
“Biz deyarli har kuni Kiyevdan kelayotgan doimiy oʻzgaruvchan soʻrovlar roʻyxatini hal qilishimiz kerak. Bizga koʻplab soʻrovlar kelib tushmoqda. Ittifoqchilarimiz bilan birgalikda ulardan qaysi biriga javob bera olishimiz, kim nima berishga tayyorligini aniqlashga harakat qilyapmiz. Bu qiyin, chunki soʻrovlar doimiy ravishda oʻzgarib turadi”, deydi u yangi Amerika xavfsizligi boʻyicha konferentsiyada soʻzlagan nutqida.
Juliann Smitning taʼkidlashicha, AQShning bir qator ittifoqchilari allaqachon oʻzlarida mavjud boʻlgan deyarli hamma narsani berishgan. Bu mamlakatlar zaxiralar tugab borayotgani sababli “asta-sekin xavotir bildira boshlagan”. Hozir ular Ukrainaga yana nima berishlari mumkinligini qayta koʻrib chiqmoqda.
Seshanba kuni Ukraina mudofaa vaziri oʻrinbosari Anna Malyar Kiyev Gʻarb davlatlaridan oʻzi uchun zarur boʻlgan qurollarning atigi 10 foizini olganini aytdi. Chorshanba kuni AQSH prezidenti Jo Bayden Amerika Qoʻshma Shtatlari Ukrainaga qiymati 1 milliard dollarlik yangi harbiy yordam paketini yuborishinimaʼlum qildi.
Eslatib oʻtamiz, Moskva Gʻarbning Ukraina Qurolli kuchlari uchun harbiy tizimlar yetkazib berish orqali mojaroni choʻzishga urinishlariga bir necha bor ishora qilgan. Mudofaa vazirligi oʻq-dorilar omborlari Rossiya aviatsiyasining qonuniy nishoniga aylanishi haqida ogohlantirgan.
Yangiliklar lentasi
0