Jamiyat

Qoʻriqlash faoliyatining asosiy vazifalari belgilab berildi - yangi qonun

© Sputnik / Ramiz BaxtiyarovSotrudnik Natsionalnoy gvardii i DPS na postu
Sotrudnik Natsionalnoy gvardii i DPS na postu - Sputnik Oʻzbekiston, 1920, 16.06.2022
Obuna boʻlish
Yandex newsTelegram
Davlat organlari qoʻriqlash boʻlinmalarining harbiy xizmatchilari va xodimlari tomonidan jismoniy kuch ishlatish, maxsus vositalarni hamda xizmat qurolini qoʻllash qonunchilikda belgilangan tartibda amalga oshiriladi.
TOSHKENT, 16 iyun — Sputnik.Jismoniy va yuridik shaxslarning murojaatlari boʻyicha shartnoma asosida qoʻriqlash faoliyatini Milliy gvardiya amalga oshiradi.Bu haqda prezident tomonidan imzolangan “Qoʻriqlash faoliyati toʻgʻrisida”gi qonunda nazarda tutilgan.
Qoʻriqlash faoliyatining asosiy vazifalari:
jismoniy shaxslarning hayotini va sogʻligʻini tajovuzlardan himoya qilish;
jismoniy va yuridik shaxslarning mol-mulkini hamda obʼyektlarini tajovuzlardan himoya qilish;
qoʻriqlanadigan obʼyektlar hududida jamoat tartibini saqlash, huquqbuzarliklarni profilaktika qilish va ularga chek qoʻyish;
yuridik shaxslarning qoʻriqlanadigan obʼyektlarida nazorat oʻtkazish va obʼyektning ichki rejimlarini taʼminlash.
Qoʻriqlash sohasidagi davlat siyosatini Milliy gvardiya amalga oshiradi.
Qoʻriqlash faoliyatini chet davlatlarning jismoniy shaxslari va tashkilotlari, shu jumladan xususiy tashkilotlari tomonidan amalga oshirishga yoʻl qoʻyilmaydi.
Qoʻriqlash faoliyatini amalga oshiruvchi subʼyektlar oʻz harakatlari (harakatsizligi) natijasida qoʻriqlanadigan obʼyektga yetkazilgan zararning oʻrnini toʻliq qoplashi shart.
Davlat organlari qoʻriqlash boʻlinmalarining harbiy xizmatchilari va xodimlari tomonidan jismoniy kuch ishlatish, maxsus vositalarni hamda xizmat qurolini qoʻllash qonunchilikda belgilangan tartibda amalga oshiriladi.
Qoʻriqlash faoliyatini amalga oshiruvchi subʼyektlar oʻz zimmasiga yuklatilgan vazifani bajarish uchun xizmat itlaridan foydalanishi mumkin.
Yangiliklar lentasi
0