Jamiyat

Saida Mirziyoyeva toʻyda kelinga tarsaki tushirgan kuyovni keskin qoraladi

Saida Mirziyoyeva - Sputnik Oʻzbekiston, 1920, 16.06.2022
Obuna boʻlish
Yandex newsTelegram
Bu voqea qachon yoki qayerda boʻlgani muhim emas, asosiysi jamiyatda unga qanday munosabat bildirilayotgani, deb yozadi Mirziyoyeva.
TOSHKENT, 16 iyun - Sputnik. Oʻzbekiston Respublikasi Gender tengligini taʼminlash boʻyicha komissiyasi aʼzosi Saida Mirziyoyeva "toʻyda kelinga tarsaki tushirgan kuyov" videosi yuzasidan oʻz fikrini bildirdi.
Saida Mirziyoyeva, ijtimoiy tarmoqlarda keng tarqalib shov-shuvlarga sabab boʻlgan ushbu hodisaga jamiyatda turlicha munosabat bildirilayotganiga eʼtibor qaratgan.
"Agar bu hodisa sizni va atrofingizdagilarni gʻazablantirgan, hayratga solgan boʻlsa, demak atrofingizda sogʻlom jamoa bor. Mabodo “ayol erkakka yon bosishi shart”, “oʻzi aybdor, tili uzun boʻlsa kerak” kabi gaplarni eshitayotgan boʻlsangiz, mana bu haqiqiy falokatdir", - deb yozadi Mirziyoyeva.
Shuningdek Gender tengligi komissiyasi aʼzosi jamiyatda xotin-qizlarga teng huquqni taʼminlash, ularning taʼlim olishi, mustaqil boʻlishiga imkon yaratish jamiyatni faravonlikka olib kelishiga ishonch bildirgan.
"Biz hammamiz rivojlangan, madaniyatli yurtda, boy va baxtli yashashni xohlaymiz. Demak, har birimiz ayollarga nisbatan zoʻravonlikka yoʻl qoʻyib boʻlmasligini anglashimiz va shu qarashda qatʼiy turishimiz zarur", - deb yozadi Mirziyoyeva.
Bunda hodisalarni oldini olish uchun farzandlarga toʻgʻri tarbiya berish, maktabni bitirgach tezroq turmushga berishga yoki uylantirishga shoshilmaslik, aksincha ularga ilm berish va oʻz aqli bilan yashashga imkon yaratish kerak, -deydi Gender tengligi komissiyasi aʼzosi.
Yangiliklar lentasi
0