Rossiya

Volodin Zelenskiyga Kiyev nomini oʻzgartirishni taklif qildi

© Sputnik / Vladimir Fedorenko / Fotobankka oʻtishPlenarnoye zasedaniye Gosdumы RF
Plenarnoye zasedaniye Gosdumы RF - Sputnik Oʻzbekiston, 1920, 16.06.2022
Obuna boʻlish
Yandex newsTelegram
Rossiya Davlat Dumasi spikeri Volodin prezident Zelenskiyga Kiyev nomini Nulandga oʻzgartirishni taklif qildi.
TOSHKENT, 16 iyun - Sputnik. Ukraina poytaxtidagi Yuriy Gagarin koʻchasi amerikalik astronavt Nil Armstrong sharafiga oʻzgartirilgandan keyin, mamlakat prezidenti Vladimir Zelenskiyning navbatdagi qadami Kiyev nomini AQSH Davlat kotibi oʻrinbosari sharafiga Nuland deb oʻzgartirish boʻladi. Bu haqda Rossiya Davlat dumasi spikeri Vyacheslav Volodin oʻzining Telegram-kanalida qayd etdi.
Duma spikerining soʻzlariga koʻra, 2014 yilning fevralida boʻlib oʻtgan Ukrainadagi davlat toʻntarishidan soʻng Kiyev rasmiylari tarixni doimiy ravishda qayta yozmoqda.
Bundan tashqari, toʻntarishdan soʻng maktablar va universitetlar talabalarga Ukraina uchun Ulugʻ Vatan urushi boʻlmagani — faqat Ikkinchi jahon urushi boʻlganini oʻqtirgan. Shuningdek, mamlakat Gʻalaba bayramini Gʻarbga moslashish maqsadida 9 mayda emas, balki 8 mayda nishonlay boshlagan.
“Ukrainada Georgiy lentasi taqiqlangan va natsist tashkilotlari ulugʻlana boshlangan”, deya taʼkidladi Volodin.
Uning taʼkidlashicha, neonatsistlar rejimi oʻz xalqining tarixini yoʻq qilib, Ukrainani AQSH mustamlakasiga aylantirgan.
15 iyun kuni ekspert komissiyasi Kiyevdagi Yuriy Gagarin koʻchasini amerikalik astronavt Nil Armstrong sharafiga oʻzgartirishni taklif qildi. Shuningdek, rasmiylar Ukraina poytaxtida joylashgan Ulugʻ Vatan urushi qatnashchisi Volodya Dubinin koʻchasini amerikalik yozuvchi Rey Bredberi nomiga almashtirmoqchi.
“Zelenskiy uchun navbatdagi qadam Kiyev nomini Nulandga oʻzgartirish boʻlishi kerak (Maydonda shirinlik tarqatgan AQSH Davlat kotibi oʻrinbosari sharafiga)”, deydi Volodin.
Avvalroq, Rossiya Davlat dumasi spikeri Ukraina 2014 yilda sodir boʻlgan davlat toʻntarishidan boshlab parchalanayotganini aytgan edi.
Yangiliklar lentasi
0