Jamiyat

Oʻzbekiston va Tojikiston oʻrtasida yangi mikroavtobus qatnovi yoʻlga qoʻyildi

© Press-slujba Ministerstva transporta UzbekistanaMikroavtobusы iz Sыrdari do Tadjikistana
Mikroavtobusы iz Sыrdari do Tadjikistana - Sputnik Oʻzbekiston, 1920, 17.06.2022
Obuna boʻlish
Yandex newsTelegram
Yoʻlovchilar Sirdaryo viloyatining Yangiyer shahridan Tojikistonning Istaravshan shahriga (eski nomi Oʻratepa) yetib borishi mumkin.
TOSHKENT, 17 iyun — Sputnik. Sirdaryo viloyatining Yangiyer shahridan Tojikiston Respublikasining Istaravshan (eski nomi Oʻratepa) shahriga qatnovchi “Yangiyer – Istaravshan – Yangiyer” xalqaro yoʻnalishida sinov tariqasida mikroavtobuslar qatnovi yoʻlga qoʻyildi.
Qatnovlar Guliston shahrida roʻyxatdan oʻtgan “Timur Avto Trans Servis” MCHJ va Tojikiston Respublikasi tomonidan esa “Dovud” MCHJlar tomonidan amalga oshirilmoqda.
Qatnovlar har ikki tarafdan kuniga bir marotabadan bajarilmoqda.
Mikroavtobuslar “Yangiyer” avtostantsiyasidan soat 7:00 da Tojikiston tomonidan esa Istaravshan shahri markazidan soat 7:30 da yoʻnalishga chiqadi.
Yoʻnalish qatnov masofasi 69 km boʻlib, yoʻlkira narxi 27 ming soʻm etib belgilangan.
Yoʻlovchilar oqimidan kelib chiqqan holda tashuvchilar tomonidan qatnovlar sonini har ikki tomondan kuniga toʻrtagacha yetkazish koʻzda tutilgan.
Yangiliklar lentasi
0