Jamiyat

Rossiya hamkorligida maktab darsliklari yaratildi

© Respublika taʼlim markazi Rossiya hamkorligida maktab darsliklari yaratildi
Rossiya hamkorligida maktab darsliklari yaratildi - Sputnik Oʻzbekiston, 1920, 17.06.2022
Obuna boʻlish
Yandex newsTelegram
Darsliklarda oʻqib va tinglab tushunish, fikrni yozma hamda ogʻzaki tarzda ifodalay olish kabi 4 ta koʻnikma shakllantirilgan.
TOSHKENT, 17 iyun — Sputnik. Respublika taʼlim markazi hamda Rossiya davlat pedagogika universiteti hamkorligida oʻzbek va qardosh tillarida olib boriladigan maktablarning 2-11-sinf darsliklari yaratildi va chop etilmoqda. Bu haqda Respublika taʼlim markazi xabar berdi.
Toshkentdagi 110-maktabda rossiyalik hamda oʻzbekistonlik mualliflar ishtirokida oʻqituvchilar uchun mazkur darsliklarning taqdimoti oʻtkazildi.
“Ushbu darsliklar Oʻzbekistondagi maktablarda rus tili fanini va umumtaʼlim fanlarini rus tilida oʻqitishning sifatini oshirishga qaratilgan “Zoʻr!” loyihasi doirasida ishlab chiqilgan”, deyiladi xabarda.
Milliy oʻquv dasturi asosida yaratilgan darsliklarda endi fanni xorijiy til sifatida oʻqitish, oʻquvchida oʻqib va tinglab tushunish, fikrni yozma hamda ogʻzaki tarzda ifodalay olish kabi 4 ta koʻnikmani shakllantirishga eʼtibor qaratilgan.
Har bir sinf darsligiga 2 tadan loyiha ishi, darslikning oxirida 7 ta tildagi lugʻat ham kiritilgan.
Bolalar darslik uchun yaratilgan AR ilovasi orqali darslikdagi audiolarni tinglashlari ham mumkin.
Maʼlumot uchun, 2020 yildan boshlab umumtaʼlim maktablari uchun 22 ta fandan, xususan, rus tili fanidan zamonaviy taʼlim standartlari, oʻquv dasturlari, ilgʻor metodikalar hamda baholash tizimini ishlab chiqish maqsad qilingan.
Yangiliklar lentasi
0