Jamiyat

“Zagranpasport” endi toʻliq YAIDXP va DXM orqali beriladi – prezident qarori

© Depositphotos / BiancoBlueDevushka s chemodanom v zale ojidaniya aeroporta
Devushka s chemodanom v zale ojidaniya aeroporta - Sputnik Oʻzbekiston, 1920, 17.06.2022
Obuna boʻlish
Yandex newsTelegram
Xorijga chiqish biometrik pasportini berishga doir davlat xizmati koʻrsatish tartibini yanada soddalashtirish toʻgʻrisida prezident qarori qabul qilindi.
TOSHKENT, 17 iyun — Sputnik. Endi xorijga chiqish biometrik pasportini Yagona interaktiv davlat xizmatlari portali (YAIDXP) va Davlat xizmatlari markazi orqali berish toʻliq joriy etiladi. Bu haqda Oʻzbekiston prezidenti Shavkat Mirziyoyevning 16 iyun kuni imzolagan qarorida belgilangan.
Qarorga koʻra, Oʻzbekistonning chet davlatlardagi konsullik muassasasida konsullik roʻyxatida turuvchi Oʻzbekiston fuqarolariga xorijga chiqish biometrik pasportini rasmiylashtirishga oid davlat xizmatlarini koʻrsatish uchun biometrik pasportni rasmiylashtirish va berish tizimi quyidagi axborot tizimlariga integratsiya qilinadi:
“FHDYoning yagona elektron arxivi” axborot tizimiga – nikoh va oila aʼzolari, vafot etganlik, yolgʻiz ona yoki yolgʻiz ota haqidagi maʼlumotlarni olish uchun;
“Notarius” axborot tizimiga – vasiylar va ota-onalarning roziligini, hamrohlik qiluvchi shaxsning majburiyatini tekshirish uchun;
“Tezkor maʼlumotlar” axborot tizimiga – sudlanganlik, maʼmuriy nazoratda turganlik, shaxsga nisbatan ozodlikdan mahrum qilish bilan bogʻliq boʻlmagan va shartli hukm qoʻllanilganlik, jinoyat ishi qoʻzgʻatilganlik holatlarini tekshirish uchun;
“Manzil” axborot tizimiga – ota-onadan birining Oʻzbekiston hududidagi doimiy yashash joyi boʻyicha roʻyxati xorijga doimiy yashashga ketganligi munosabati bilan bekor qilinganligini tekshirish uchun;
“Yagona milliy mehnat tizimi” axborot tizimiga – oxirgi 5 yilda ishlagan joyi haqidagi maʼlumotlarni olish uchun;
“Ijtimoiy himoya yagona reyestri”ga – ushbu axborot tizimida roʻyxatga olingan shaxslar toifasiga aniqlik kiritish uchun;
“TIEK” axborot tizimiga – I va II guruh nogironligi boʻlgan shaxslar toifasiga aniqlik kiritish uchun.
2022 yil 1 avgustgacha davlat xizmati YAIDXP va Davlat xizmatlari markazlari orqali koʻrsatililishi amaliyotga toʻliq joriy qilinadi.
YAIDXPda davlat xizmatlari koʻrsatilishining har bir bosqichida murojaatlar koʻrib chiqilishini kuzatib borish tartibi joriy etiladi.
Shuningdek, davlat xizmatlari koʻrsatilganligi uchun toʻlangan davlat boji summasi hisobini yurituvchi yagona billing tizimi orqali elektron toʻlanishi imkoniyati yaratiladi.
Yangiliklar lentasi
0