Madaniyat

Milliy kutubxona Rossiyaning nufuzli kutubxonalari bilan memorandum imzoladi

© AOKAPodpisan memorandum o sotrudnichestve mejdu bibliotekami Uzbekistana i Rossii
Podpisan memorandum o sotrudnichestve mejdu bibliotekami Uzbekistana i Rossii - Sputnik Oʻzbekiston, 1920, 18.06.2022
Obuna boʻlish
Yandex newsTelegram
Imzolangan memorandumlar axborot almashish, elektron kataloglar yaratish, elektron resurslarni raqamlashtirish va boshqa sohalarda hamkorlikni nazarda tutadi.
TOSHKENT, 18 iyun - Sputnik. Alisher Navoiy nomidagi Oʻzbekiston Milliy kutubxonasi M.YE.Saltikov-Shedrin nomidagi Rossiya Milliy kutubxonasi, B.N.Yeltsin nomidagi Prezident kutubxonasi va V.V.Mayakovskiy nomidagi Sankt-Peterburg markaziy shahar ommaviy kutubxonasi oʻrtasida hamkorlik memorandumlari imzolandi.
Imzolangan memorandumlar quyidagi yoʻnalishlarda tajriba va ilmiy yutuqlar almashinuvini koʻzda tutadi:
kitob va kitobxonlik sohasida ilmiy-tadqiqot, uslubiy, axborot va maʼrifiy faoliyatni amalga oshiruvchi Mutolaa markazining ishlash tizimi;
ommaviy kutubxonalar markazlashtirilgan tarmogʻining axborot-uslubiy va muvofiqlashtiruvchi funktsiyalarini samarali amalga oshirish hamda ommaviy kutubxonalar faoliyatini monitoring qilish tizimini tashkil etish masalalari;
elektron kataloglarni yaratish va yuritish, axborot-kutubxona tarmoqlarini rivojlantirishda namunaviy model sifatida foydalanish mumkin boʻlgan yirik hajmli elektron resurslarni raqamlashtirish va saqlash uslubiyatini shakllantirish;
shaharning davlat, ijtimoiy va tijorat raqamli xizmatlaridan, shu jumladan, shahar ommaviy kutubxonalaridan foydalanishni taʼminlaydigan "Peterburg fuqarosining yagona kartasi" loyihasini tashkil etish. Ushbu yoʻnalish boʻyicha amaliy tajribalarni almashish respublika kitobxonlariga axborot-kutubxona xizmati koʻrsatishning yagona (korporativ) tizimini yaratish imkoniyatlarini maqbullashtiradi;
kutubxonashunoslik, kitobshunoslik, kutubxona fondlarini restavratsiya qilish va konservatsiya qilish sohasida hamkorlikda ilmiy tadqiqotlar olib borish.
Har bir kutubxona bilan maqsadlar, amalga oshirish mexanizmlarii va belgilangan vazifalarni amalga oshirish muddatlariga aniqlik kiritgan holda oʻzaro hamkorlikning konkret yoʻnalishlari boʻyicha "Yoʻl xaritasi"ni ishlab chiqish boʻyicha kelishuvga erishildi.
Memorandum, 15-18 iyun kunlari Sankt-Peterburgda boʻlib oʻtayotgan "Yangi dunyo – yangi imkoniyatlar" XXV Peterburg xalqaro iqtisodiy forumi doirasida imzolandi.
Yangiliklar lentasi
0