Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Tunda ovqat tanovul qilish salomatlikka qanday taʼsir qiladi?

© Depositphotos / RawpixelPrazdnovaniye Dnya blagodareniya
Prazdnovaniye Dnya blagodareniya - Sputnik Oʻzbekiston, 1920, 18.06.2022
Obuna boʻlish
Yandex newsTelegram
Mutaxassis taʼkidlashicha, kechgi ovqat oʻz vaqtida boʻlgani maʼqul, aks holda bu turli kasalliklar keltirib chiqarishi mumkin.
Baʼzi insonlar juda kech vaqtda ovqatlanishga odatlangan boʻlishadi, yana ayrimlar esa kechqurun umuman ovqatlanmaslikka harakat qilishadi. Biroq, gastroenterolog, parhezshunos, tibbiyot fanlari nomzodi Irini Berejnayaning Sputnik radiosiga bergan intervyusida aytishicha, ikki holat ham salomatlik uchun juda zararli boʻlishi mumkin.
“Juda kech payti ovqatlanish yaxshi emas, ayniqsa, taomdan soʻng darhol uyquga yotsangiz. Odam oshqozonida koʻp miqdorda oziq-ovqat bilan tekis yotadi va oshqozon tarkibidagi yegulik esa qiziloʻngachga qaytib boradi. Natijada qiziloʻngachning kuyishi, oshqozonda tiqilishi va bakteriyalar koʻpayishi mumkin. Bu esa, oʻz navbatida bakterial oʻsish sindromini keltirib chiqarishi mumkin. Bundan tashqari, ovqat hazm qilishda muammolar paydo boʻladi. Tongda esa qorin boʻshligʻida noqulaylik, ogʻriq boʻlishi mumkin”,- taʼkidlaydi shifokor.
Bundan tashqari, juda kech ovqatlanish jigar faoliyatiga ham zarar keltiradi.
“Kechgi ovqatdan soʻng barcha aʼzolar yomon ishlaydi. Odam uxlayotganda butunlay boshqacha energiya sarflaydi. Natijada uyqudan oldin ovqatlanish jigar semirishiga olib keladi. Chunki bunda jigarga koʻp yuklama tushadi. Bu hatto ozgʻin odamlarda ham uchrashi mumkin boʻlgan yogʻli gepatozdir”,- deya ogohlantiradi shifokor.
Yana koʻpchilik odamlar esa umuman kechki ovqat isteʼmol qilmaslikka harakat qilishadi. Ammo bu ham oshqozonga salbiy taʼsir qilmasdan qolmaydi.
“Ayrimlar parhez qoidasiga koʻra kechgi ovqatni isteʼmol qilmaslikka harakat qiladi. Bu odatning ham yaxshi tomonlari boʻlishi mumkin. Biroq, agar organizm bunday tartibga koʻnikmagan boʻlsa, salomatlikka jiddiy zarar keltirishi mumkin. Chunki katabolizm (energiya almashinuvi), kislota-ishqor muvozanati buziladi”, -deydi shifokor.
Yangiliklar lentasi
0