Jamiyat

Abituriyentlarni onlayn roʻyxatga olish boshlandi

© Sputnik / Aleksey Malgavko / Fotobankka oʻtishBolshoy etnograficheskiy diktant v Rossii
Bolshoy etnograficheskiy diktant v Rossii - Sputnik Oʻzbekiston, 1920, 20.06.2022
Obuna boʻlish
Yandex newsTelegram
Abituriyentlarni roʻyxatga olish my.dtm.uz sayti va my.gov.uz orqali onlayn amalga oshiriladi.
TOSHKENT, 20 iyun — Sputnik. Bugundan yangi oʻquv yili uchun oliy taʼlim muassasalarining bakalavriat taʼlim yoʻnalishlariga abituriyentlarni onlayn roʻyxatga olish boshlandi. Bu haqda Davlat test markazi xabar berdi.
Abituriyentlarni roʻyxatga olish Davlat test markazining my.dtm.uz sayti va Yagona interaktiv davlat xizmatlari portali (my.gov.uz) orqali onlayn amalga oshiriladi.
Bunda abituriyentlar telefon raqamini avtorizatsiyadan oʻtkazishlari kerak boʻladi. Ular pasport maʼlumotlari, doimiy yashash manzili va tugatgan taʼlim muassasasi boʻyicha maʼlumotlarni, shuningdek, imtiyozlari mavjud boʻlsa, ularni tekshirishlari hamda chet tilidan milliy yoki xalqaro sertifikatga ega boʻlsa, sertifikat maʼlumotlarini kiritishlari mumkin.
Hozircha abituriyentlarga yuqorida keltirilgan maʼlumotlarni kiritish imkoni yaratildi. Ular OTMni kvotalar tillar kesimida tasdiqlangandan soʻnggina tanlay oladilar.
“Taʼlim yoʻnalishlarini esa 2022-2023 oʻquv yili uchun qabul parametrlarining taʼlim tillari boʻyicha taqsimoti tasdiqlanganidan soʻng tanlash mumkin boʻladi”, deyiladi xabarda.
Roʻyxatga olish 20 iyulga qadar (20 iyul kuni ham) davom etadi.
Abituriyentlar 20 iyulga qadar oʻz maʼlumotlarini oʻzgartirishlari hamda chet tilidan milliy yoki xalqaro sertifikatga ega boʻladigan boʻlsa, sertifikat maʼlumotlarini kiritishlari mumkin boʻladi.
Chet tilidan kasbiy (ijodiy) imtihon oʻtkaziladigan bakalavriat taʼlim yoʻnalishlariga onlayn roʻyxatga olish esa 10 iyulga qadar amalga oshiriladi.
Eslatib oʻtamiz, yangi oʻquv yili uchun oʻqishga qabul qilishning davlat buyurtmasi parametrlari umumiy kvotasi 121 395 nafar etib belgilangan. Abituriyent kunduzgi, sirtqi, kechki, masofaviy taʼlim shaklini tanlashiga ham ruxsat beriladi.
Yangiliklar lentasi
0