Jamiyat

Buxoroda oʻrta asrga tegishli qadimgi gʻorlar topildi

© Madaniy meros agentligi Buxoroda oʻrta asrga tegishli qadimgi gʻorlar topildi
Buxoroda oʻrta asrga tegishli qadimgi gʻorlar topildi - Sputnik Oʻzbekiston, 1920, 20.06.2022
Obuna boʻlish
Yandex newsTelegram
Gʻorda mahalliy konchilar yer ostki zahiralaridan juda keng koʻlamda foydalangan hamda ganch qurilish materialining xomashyosi olingan.
TOSHKENT, 20 iyun — Sputnik. Buxoroda choʻl hududidan qadimgi tarixiy gʻorlar topildi. Bu haqda Madaniy meros agentligi xabar berdi.
Buxoro viloyati madaniy meros boshqarmasi mutaxassislari va Fanlar Akademiyasi Milliy arxeologiya markazi tomonidan Kogon tumanining choʻl hududida 4 ta qadimgi gʻor qoldiqlari koʻzdan kechirildi.
Gʻorlarning kirish qismi qumlar va oʻpirilgan toshlar bilan koʻmilgan. Ular bir biridan yuzlab metr masofalangan. Ularda qandaydir tizim va bogʻlanish aniqlanmadi.

Gʻorlar nima maqsadda qurilganligini bilish uchun eng yirigi tanlab olindi va yoritish jihozlari yordamida 80-100 metr masofa va 10-15 metr pastlikka tushildi. Uning ayrim joylari juda tor, ayrim joylari keng va qoʻshimcha yoʻnalishlar ochilgan, - deyiladi xabarda.

Gʻorning geologik qatlamlari asosan ohaktoshdan iborat boʻlganligi sababli, gʻor oʻrta asrlar davrida (XII-XIII) mahalliy konchilar tarafidan qazilib yer ostki zahiralaridan juda keng koʻlamda foydalangan hamda ganch qurilish materialining xomashyosi olinganligi aniqlandi.
Yangiliklar lentasi
0