Minskda YeOII bosh vazirlari yig‘ilishi bo‘lib o‘tadi

© Sputnik / Mediabankka o‘tishZasedanie Yevraziyskogo mejpravitelstvennogo soveta stran YeAES
Zasedanie Yevraziyskogo mejpravitelstvennogo soveta stran YeAES - Sputnik O‘zbekiston, 1920, 20.06.2022
Obuna bo‘lish
Minskda Yevroosiyo hukumatlararo kengashi yig‘ilishi bo‘lib o‘tadi.
TOShKENT, 20-iyun — Sputnik. Minskda Yevroosiyo hukumatlararo kengashi yig‘ilishi bo‘lib o‘tadi, deb xabar qildi Sputnik Qirg‘iziston mamlakat hukumati matbuot xizmatiga asosan.
Yig‘ilish 20-21 iyun kunlari bo‘lib o‘tadi. Bu yil YeOIIning barcha organlariga Qirg‘iziston raislik qilmoqda.
Tadbirda YeOII davlatlari va kuzatuvchi-davlatlarning hukumat rahbarlari, jumladan O‘zbekiston bosh vaziri, shuningdek, Yevroosiyo iqtisodiy komissiyasi hay’ati raisi ishtirok etadi.
"Kun tartibida elektron tijorat, bojxona hamkorligi masalalari muhokamasi, oldingi topshiriqlar ijrosi yuzasidan hisobot. Tovarlarni identifikatsiyalash vositalari bilan markalashni joriy etish, ustuvor va yuqori texnologik sanoat sohalarida kooperatsiya va import o‘rnini bosish bo‘yicha komissiyani tashkil etish, iste’molchilar huquqlarini himoya qilish sohasida qo‘shma harakatlar dasturi ham muhokama qilinadi”, — deyilgan xabarda.
Shuningdek, 21-iyun kuni Minskda Ittifoq mamlakatlari bosh vazir o‘rinbosarlaridan iborat YeIK Kengashining navbatdan tashqari yig‘ilishi bo‘lib o‘tadi.
YeOII bugungi kunda beshta davlatni o‘z ichiga oladi: Armaniston, Belarus, Qozog‘iston, Qirg‘iziston va Rossiya. O‘zbekiston, Moldova va Kuba - kuzatuvchi davlat maqomida.
O‘zbekiston Yevroosiyo iqtisodiy ittifoqiga qo‘shilish imkoniyatini ko‘rib chiqmoqda. Maxsus komissiya yuzaga kelishi mumkin bo‘lgan xavf va imtiyozlar, shuningdek, integratsiya maqbul shartlariustida ish olib bormoqda.
Yangiliklar lentasi
0