Jamiyat

NNT grant loyihalariga davlat organlari amaliy yordam koʻrsatadi

Vvod teksta - Sputnik Oʻzbekiston, 1920, 20.06.2022
Obuna boʻlish
Yandex newsTelegram
Davlat organlari nodavlat notijorat tashkilotlari bilan birga ijtimoiy sheriklik munosabatlarini yanada rivojlantiradi.
TOSHKENT, 20 iyun — Sputnik. Endilikda nodavlat notijorat tashkilotlarga grant loyihalarini amalga oshirishda davlat organlari amaliy yordam koʻrsatadi. Bu haqda hukumatning 328-sonli qarori bilan tasdiqlangan nizomda nazarda tutilgan.
Hujjatga muvofiq, NNTning xalqaro grant loyihalarini amalga oshirishda davlat organlari tomonidan yuridik, texnik va loyihani aholining ijtimoiy muammolarini samarali hal etishga yoʻnaltirishda uslubiy koʻmak koʻrsatiladi.
Unga koʻra:
NNTning xalqaro grant loyihasiga tegishli sohada vakolatli davlat organi milliy hamkor sifatida jalb etiladi;
milliy hamkor xalqaro grant loyihasining samarali amalga oshirilishini taʼminlash, loyihani amalga oshirishda vujudga keladigan muammolarni tezkor hal etish, loyihaning mazmunidan kelib chiqib uni amalga oshirishda boshqa davlat organlarini jalb qilish va boshqa vazifalarni bajaradi;
xalqaro grant loyihasini amalga oshirishda NNTga davlatning koʻmagini samarali tashkil etish maqsadida nodavlat notijorat tashkiloti bilan kelishilgan holda “yoʻl xaritasi” tasdiqlanadi.
Nizom bilan davlat organlari zimmasiga nodavlat notijorat tashkilotlari bilan birga ijtimoiy sheriklik munosabatlarini yanada rivojlantirish masalalari yuklatildi.
Yangiliklar lentasi
0