Rossiya

Xitoy Rossiyadan rekord darajada neft sotib oldi

© Sputnik / Aleksey Babushkin / Fotobankka oʻtishNefteprovod Rossiya-Kitay
Nefteprovod Rossiya-Kitay - Sputnik Oʻzbekiston, 1920, 20.06.2022
Obuna boʻlish
Yandex newsTelegram
Rossiya neftni Xitoyga dengiz orqali ham, Sharqiy Sibir-Tinch okeani quvuri orqali ham yetkazib bergan.
May oyida Xitoy Rossiyada ishlab chiqarilgan xom neft importini yillik 55 foizga (rekord darajada) oshirdi. Natijada Rossiya ushbu yonilgʻini Xitoyga eksport qiluvchilar orasida Saudiya Arabistonini siqib chiqargan holda birinchi oʻrinni egalladi. Bu haqda “Reuters”xabar berdi.
“Rossiya Xitoyga neft eksport qiluvchi davlatlar orasida birinchi oʻrinni egalladi va bir yarim yil davomida bu koʻrsatkich boʻyicha yetakchi boʻlgan Saudiya Arabistonini ikkinchi oʻringa siqib chiqardi”, deyiladi xabarda.
May oyida Rossiyadan neft yetkazib berish hajmi qariyb 8,42 million tonnani tashkil etgan, bu kuniga taxminan 1,98 million barrelga teng. Bu aprel oyiga nisbatan chorak baravar yuqori.
Neft dengiz orqali ham, Sharqiy Sibir-Tinch okeani quvuri orqali ham yetkazib berilgan.
Nashrga koʻra, bunday dinamika xitoylik xaridorlarga mahsulotga katta chegirmalar berilishi bilan izohlanadi, chunki sanktsiyalar fonida hamma davlatlar ham Rossiyadan neft sotib ololmaydi.
Maʼlumot uchun, may oyida Saudiya Arabistonining Xitoyga eksport hajmi yiliga 8,7 foizga oʻsdi. Ar-Riyod butun oy davomida 7,82 million tonna xom neftni Xitoyga yetkazib berdi. Braziliya esa Xitoyga 2,2 million tonna yuk joʻnatdi, bu oʻtgan yilga nisbatan 19 foizga kam.
Eslatib oʻtamiz, Rossiyadan Hindistonga neft yetkazib berish 31 barobarga oshgan. Manbalarga koʻra, Moskva Dehliga 30 foizlik chegirma taklif qilgan.
Rossiya gazining Xitoyga oqimi ham ortib bormoqda. Xususan, “Gazprom” yanvardan maygacha Xitoyga quvur orqali gaz yetkazib berishni oʻtgan yilning besh oyiga nisbatan 67,5 foizga oshirgan. Xitoyning 2011 yildan 2021 yilgacha boʻlgan vaqt davomidagi tabiiy gazga boʻlgan talabi butun jahon talabi oʻsishining 32 foizini taʼminlagan.
Yangiliklar lentasi
0