Sport

"Yigitlar zoʻr oʻynadi, ular bilan faxrlanaman" - Timur Kapadze

© UFATimur Kapadze
Timur Kapadze - Sputnik Oʻzbekiston, 1920, 20.06.2022
Obuna boʻlish
Yandex newsTelegram
Temur Kapadze matbuot anjumanida oʻz fikrlari bilan oʻrtoqlashdi.
TOSHKENT, 20 iyun — Sputnik. Oʻzbekiston U-23 terma jamoasi bosh murabbiyi Temur Kapadze Osiyo Kubogi finali doirasida Saudiya Arabistoniga qarshi kechgan oʻyindan keyin matbuot anjumanida oʻz fikrlari bilan oʻrtoqlashdi.
“Bugun gʻalaba qozonib, xalqimizni xursand qilmoqchi edik. Biroq bu ishni uddalay olmadik. Buning uchun uzr soʻrayman. Nasib etmagan ekan. Barcha muxlislarimizga rahmat aytamiz. Keyingi turnirlarda yaxshiroq natija qayd etishga harakat qilamiz.Abdurauf Boʻriyev oʻyin davomida yaxshi harakat qildi. Bugun oʻyin qiyin boʻldi. Afsuski, magʻlubiyatga uchradik. Bolalarga rahmat aytaman.
Bu bizga katta maktab boʻldi, bu magʻlubiyatdan keyin yana-da kuchliroq boʻlamiz deb umid qilaman.Albatta, bu turnirda hamma jamoada charchoq bor, ayniqsa finalchilarda. Chunki uzoq yoʻl bosib oʻtiladi. Bugun bolalar borini berib harakat qilishdi.
Bu jamoani tashkil qilganimizda asosiy maqsad sifatida Olimpiada yoʻllanmasini qoʻlga kiritish belgilangan. Bu turnirda yoshroq futbolchilar bilan ishtirok etgan boʻlsak ham yaxshi natija qayd eta oldik, deb oʻylayman. Bu turnirda futbolchilarni ham ruhan, ham jismonan koʻrib oldik. Bolalar zoʻr oʻynadi, men ular bilan faxrlanaman.Qaysidir oʻyinda qaysidir futbolchi yaxshiroq oʻynadi, qaysidirida esa boshqasi. Aytishim kerak, hali yana-da oʻsishimiz lozim.
Futbol shunday narsa – uzoq dam ololmaysiz. Oʻyin tugagandan keyin u tarixga kiradi. Siz keyingi oʻyinga tayyorgarlik koʻrishingiz kerak. Toʻgʻri, futbolchilarimda ruhiy va jismoniy tomonlama biroz toliqish bor. Lekin hayot davom etadi”.
Osiyo kubogida 1-oʻrinni Saudiya Arabistoni yoshlari qoʻlga kiritishdi. 2-oʻrin Oʻzbekistonga nasib etdi. 3-oʻrinni Yaponiya U-23 jamoasi egalladi.
Yangiliklar lentasi
0