Iqtisod

Ozarbayjon bilan iqtisodiy sheriklik qaysi sohalarda rivojlanishi maʼlum boʻldi

© MIVTVstrecha ministrov S. Umurzakova i M. Jabborova v Tashkente
Vstrecha ministrov S. Umurzakova i M. Jabborova v Tashkente - Sputnik Oʻzbekiston, 1920, 21.06.2022
Obuna boʻlish
Yandex newsTelegram
Oʻzbekiston va Ozarbayjon vazirlari iqtisodiy sherikligini chuqurlashtirishning asosiy yoʻnalishlari muhokama qilishdi.
TOSHKENT, 21 iyun - Sputnik. Oʻzbekiston va Ozarbayjon investitsiyalar, savdo, transport va logistika sohasidagi ikki tomonlama hamkorlikni chuqurlashtiradi.
Ushbu masalalar Oʻzbekiston investitsiyalar va tashqi savdo vaziri Sardor Umurzakovning Ozarbayjon Respublikasi iqtisodiyot vaziri Mikail Jabborov bilan 20 iyun kuni boʻlib oʻtgan uchrashuvida muhokama qilindi. Unda ikki mamlakatning asosiy vazirlik va idoralari rahbarlari ham qatnashdi.
Investitsiyaviy hamkorlik va sanoat kooperatsiyasi sohasi munosabatlarning ustuvor yoʻnalishlaridan biri sifatida koʻrib chiqildi. Uchrashuvda taʼkidlanishicha, hozirgi kunda Oʻzbekistonda Ozarbayjon kapitali ishtirokidagi 238 ta, Ozarbayjonda esa 53 ta Oʻzbekiston kompaniyasi faoliyat koʻrsatmoqda.
Ikki mamlakat hududlarida qoʻshma korxonalarni muvaffaqiyatli tashkil qilish boʻyicha toʻplangan tajriba asosida toʻqimachilik, charm-poyabzal, elektrotexnika, oziq-ovqat, kimyo va ipakchilik, avtomobilsozlik va qurilish materiallari ishlab chiqarish sohalarida qoʻshma investitsiya loyihalari sonini koʻpaytirishdan ikki tomon ham manfaatdor ekanligi taʼkidlandi.
Oʻzaro savdo. Uchrashuvda maʼlum qilinishiga koʻra, 2021 yilda Oʻzbekiston-Ozarbayjon savdo aylanmasining hajmi 40 %dan oshgan. 2022 yilning yanvar – iyun oylarida oʻtgan yilning shu davriga nisbatan 2 baravar koʻpaygani qayd etilgan.
Neft-kimyo, kimyo va elektrotexnika mahsulotlari, qora va rangli metall buyumlar, oziq-ovqat mahsulotlari, asbob-uskunalar va toʻqimachilik mahsulotlarini oʻzaro yetkazib berishni koʻpaytirish boʻyicha navbatdagi tadbirlar muhokama qilindi. Tomonlar yaqin kelajakda oʻzaro savdo hajmini oshirish maqsadida birgalikda ishlashga tayyor ekanliklarini bildirdilar.
Transport va logistika sohasida ham birgalikda salmoqli natijalarga erishildi. Joriy yil oxiriga qadar Oʻzbekiston va Ozarbayjon oʻrtasida yuk tashish hajmining oʻsishi 40 foizga oʻsishi kutilmoqda. Shu nuqtai nazardan, ikki davlatni bogʻlaydigan logistika yoʻnalishlarini kengaytirish, oʻzaro va tranzit yuk tashishni koʻpaytirish boʻyicha hamkorlik yoʻllari koʻrib chiqildi.
Hududlararo hamkorlik toʻgʻrisidagi Hukumatlararo bitimni imzolash istiqbollari qayd etildi.
Eslatib oʻtamiz, Oʻzbekiston prezidenti Shavkat Mirziyoyevning taklifiga binoan Ozarbayjon prezidenti Ilhom Aliyev 21-22 iyun kunlari davlat tashrifi bilan Oʻzbekistonda boʻladi. Oliy darajadagi muzokaralar yakunida ikki tomonlama hujjatlarning salmoqli toʻplamini imzolash koʻzda tutilgan. Bu Ozarbayjon prezidentning soʻnggi 11 yil davomida Oʻzbekistonga amalga oshirgan ilk tashrifi boʻladi.
Yangiliklar lentasi
0