Jamiyat

Oʻzbekistonda IT sohasida yangi universitet ochildi

© Sputnik / Aleksey Malgavko / Fotobankka oʻtishStudentы na lektsii
Studentы na lektsii - Sputnik Oʻzbekiston, 1920, 21.06.2022
Obuna boʻlish
Yandex newsTelegram
IT sohasiga ixtisoslashgan yangi xususiy universitetga 7 iyun kuni Taʼlim sifatini nazorat qilish boʻyicha inspektsiya tomonidan litsenziya berildi.
TOSHKENT, 21 iyun — Sputnik. Oʻzbekistonda IT sohasiga ixtisoslashgan “PDP University” oliy taʼlim muassasasi oʻz faoliyatini boshladi. Bu haqda Oliy va oʻrta maxsus taʼlim vazirligi xabar berdi.
Aytilishicha, endilikda Oʻzbekistonda oliygohlar soni 167 taga teng boʻldi.
Ushbu universitetda talabalarga 4 yil davomida xalqaro “Pearson BTEC” oʻquv dasturi asosida barcha bilim va koʻnikmalar beriladi.
Talabalar quyidagi 4 ta fakultetda taʼlim olishlari mumkin:
Dasturiy taʼminotni ishlab chiqish va dasturlash;
Maʼlumotlar tahlili;
Biznes tahlili va oʻzgarishlarni boshqarish;
Sunʼiy intellekt yechimlari va ilovalari.
"OTM 7 iyun kuni Taʼlim sifatini nazorat qilish davlat inspektsiyasi tomonidan berilgan litsenziya asosida talabalarga IT sohasida taʼlim berish huquqiga ega boʻldi", deyiladi xabarda.
Maʼlumot uchun, “PDP University” nodavlat oliy taʼlim tashkilotiga taʼlim sohasida 5 yillik tajribaga ega boʻlgan PDP (Personal Development Process) kompaniyasi tomonidan asos solindi.
Eslatib oʻtamiz, 20 iyundanyangi oʻquv yili uchun oliy taʼlim muassasalarining bakalavriat taʼlim yoʻnalishlariga abituriyentlarni onlayn roʻyxatga olish boshlandi.
Abituriyentlarni roʻyxatga olish Davlat test markazining my.dtm.uz sayti va Yagona interaktiv davlat xizmatlari portali (my.gov.uz) orqali onlayn amalga oshiriladi.
Yangiliklar lentasi
0