Jamiyat

“Rossiya” aviakompaniyasi Moskvadan Toshkentga muntazam parvozlarni yoʻlga qoʻyadi

© Sputnik / Ilya NaymushinSamolet Sukhoi Superjet-100 aviakompanii "Rossiya"
Samolet Sukhoi Superjet-100 aviakompanii Rossiya  - Sputnik Oʻzbekiston, 1920, 21.06.2022
Obuna boʻlish
Yandex newsTelegram
Moskva – Toshkent – Moskva yoʻnalishi boʻyicha parvozlar seshanba, payshanba, shanba va yakshanba kunlari amalga oshiriladi.
TOSHKENT, 21 iyun — Sputnik. 25 iyundan “Rossiya” aviakompaniyasi Moskvadan Toshkentga toʻgʻridan-toʻgʻri muntazam parvozlarni yoʻlga qoʻyadi.
Mamlakat poytaxti va Markaziy Osiyoning eng qadimiy shaharlaridan biriga parvozlar Sheremetevo aeroportidan haftasiga toʻrt marta amalga oshiriladi.
Aviakompaniya Oʻzbekistonga parvozlar dasturini kengaytirib, Moskvadan Buxoro, Samarqand va Urganch shaharlariga qatnovlarni davom ettirmoqda.
“Aviakompaniyaning Oʻzbekistonga reyslari yozgi mavsumda sayyohlik va xizmat safarlarini amalga oshirish uchun qiziqarli”, deyiladi xabarda.
Ular Fargʻona, Margʻilon, Qoʻqon, Xiva hamda Qarshi shaharlariga sayohat qilishni rejalashtirishda ham qulaydir.
Mehmonlar mamlakatning koʻp asrlik boy tarixi va milliy arxitektura yodgorliklari bilan tanishishi hamda oʻzbek milliy taomlarini tatib koʻrishlari mumkin boʻladi.
Jadvalga koʻra, Moskva – Toshkent – Moskva yoʻnalishi boʻyicha parvozlar seshanba, payshanba, shanba va yakshanba kunlari amalga oshiriladi.
SU/FV 6557 reysidagi samolyot Moskvadan 8:05 da parvoz qilib, Toshkentga 14:10 da qoʻnadi.
Parvozlar ikki klassli maketda taqdim etilgan SuperJet 100 samolyotlarida amalga oshiriladi. Bortdagi umumiy oʻrindiqlar soni 87 ta boʻlib, shundan 12 tasi biznes-klass va 75 tasi ekonom-klass.
Eslatib oʻtamiz, avvalroq Oʻzbekiston va Rossiya aviatsiya organlari Moskva-Toshkent yoʻnalishidagi aviaqatnovlar sonini koʻpaytirishga kelishib olishgandi. Unga koʻra, Moskva-Toshkent yoʻnalishidagi aviaqatnovlar soni haftasiga 25 tadan 39 tagacha koʻpaytiriladi.
Yangiliklar lentasi
0