Jamiyat

Rossiya insulin ishlab chiqarishni mahalliylashtirishga yordam beradi

© Farmatsevtika tarmogʻini rivojlantirishagentligi Rossiya insulin ishlab chiqarishni mahalliylashtirishga yordam beradi
Rossiya insulin ishlab chiqarishni mahalliylashtirishga yordam beradi - Sputnik Oʻzbekiston, 1920, 21.06.2022
Obuna boʻlish
Yandex newsTelegram
Rossiya va Oʻzbekiston kompaniyalari oʻrtasida mamlakatda analog va inson insulinini ishlab chiqarish texnologiyasini joriy qilish toʻgʻrisida bitim imzolandi.
TOSHKENT, 21 iyun — Sputnik. Rossiya kompaniyasi insulin analoglari — glargin, lispro va ikki fazali lisproning biosimilyarlarini shprits qalamlari va kartridj shaklida ishlab chiqarish texnologiyasini oʻzbekistonlik hamkorlariga yetkazib beradi. Bu haqda Farmatsevtika tarmogʻini rivojlantirish agentligi maʼlum qildi.
Rossiyaning “GEROFARM” va Oʻzbekistonning “ZUMA PHARMA” kompaniyalari oʻrtasida mamlakatda analog va inson insulinini ishlab chiqarish texnologiyasini joriy qilish toʻgʻrisidagi bitim imzolandi.
Endilikda Rossiya kompaniyasi Oʻzbekistonga biosimilar ishlab chikarish texnologiyasining quyish, qadoqlash va sifatni nazorat qilish bosqichlarini takdim etadi.
“Bundan tashqari, qisqa va oʻrta taʼsirli inson insulinlari hamda ikki fazali kombinatsiyalangan preparatni mahalliylashtirish rejasi ham bor. Shu maqsadda 2023 yil davomida Oʻzbekistonning “ZUMA PHARMA” kompaniyasida ishlab chiqarishni texnik jihatdan qayta jihozlash ishlari amalga oshiriladi va texnologiyalar yetkazilib oʻrnatilishi, transferi yoʻlga qoʻyiladi”, deyiladi xabarda.
Innovatsion rivojlanish vaziri Ibrohim Abdurahmonovning soʻzlariga koʻra, imzolangan bu kelishuv Oʻzbekistonda bemorlar hayotini saqlab qoladigan dori bilan taʼminlash yaxshilanishi nuqtai nazaridan nihoyatda kimmatlidir.
Aytilishicha, dori vositalarini kooperatsiya asosida ishlab chiqarish import mustaqilligiga erishish va yangi ish oʻrinlarini yaratish imkonini beradi.
Yangiliklar lentasi
0