Rossiya

Gʻarbning Rossiyaga qarshi sanktsiyalari barbod boʻldi – NYT

© Sputnik / Aleksey Mayshev / Fotobankka oʻtishMoskva
Moskva - Sputnik Oʻzbekiston, 1920, 22.06.2022
Obuna boʻlish
Yandex newsTelegram
Amerika nashriga koʻra, Gʻarb Rossiya iqtisodiyotini boʻgʻa olmadi.
TOSHKENT, 22 iyun — Sputnik. Gʻarbning Rossiya iqtisodiyotini boʻgʻish boʻyicha qilgan harakatlari muvaffaqiyatsizlikka uchradi, deb yozadi Amerikaning “The New York Times” gazetasi.

“Xitoy va Hindiston Rossiya neftini Gʻarb davlatlari bilan bir xil hajmda sotib olmoqda”, - deyiladi nashrda.

Maqolada qayd etilishicha, energiya narxining yuqoriligi tufayli Rossiya bugungi kunda toʻrt oydagidan-da koʻproq daromad olgan. Bundan tashqari rublning dollarga nisbatan kursi ham keskin oshgan.
“Gʻarb sanktsiyalari kiritilgandan soʻng Xitoy importi 28 foizga oʻsdi va bu Rossiyaga Saudiya Arabistonini ortda qoldirish imkonini berdi. Bundan tashqari, Hindiston Rossiya neftini sotib olishni koʻpaytirdi, avvallari uni arzimas hajmda sotib olgan”, deyiladi maqolada.

“Rossiya yanada pastga tushish oʻrniga, pandemiyadan oldingi darajasiga deyarli yaqinlashdi”, deya xulosa qildi gazeta.

Rossiyaning Ukrainadagi harbiy amaliyoti boshlanganidan soʻng Gʻarb Moskvaga nisbatan sanktsiyalarni kuchaytirdi. Baʼzi mamlakatlar Rossiya aktivlarini muzlatish haqida eʼlon qildi, koʻplab brendlar mamlakatni tark etdi. Yevropa Ittifoqi allaqachon oltita sanktsiya paketini maʼqullagan, xususan, koʻmir va neft importiga bosqichma-bosqich embargo joriy etmoqda.
Kreml Gʻarbning harakatlarini boshqa hech kimga oʻxshamaydigan iqtisodiy urush deb atadi. Vladimir Putinning taʼkidlashicha, Rossiyani jilovlash va zaiflashtirish siyosati Gʻarbning uzoq muddatli strategiyasi boʻlib, sanktsiyalar butun jahon iqtisodiyotiga jiddiy zarba berdi. AQSH va Yevropaning asosiy maqsadi esa millionlab odamlar hayotini yomonlashtirishdir.
Yangiliklar lentasi
0