Siyosat

Toshkentda SHHTga aʼzo davlatlar energetika vazirlarining ikkinchi yigʻilishi oʻtkaziladi

© Sputnik / Ramiz BaxtiyarovFlagi stran SHOS na Konferentsii "SHOS: ot Tsentralnoy Azii k Yevrazii"
Flagi stran SHOS na Konferentsii SHOS: ot Tsentralnoy Azii k Yevrazii - Sputnik Oʻzbekiston, 1920, 22.06.2022
Obuna boʻlish
Yandex newsTelegram
8 ta davlatning energetika vazirlari sohada hamkorlikning bugungi holati va istiqbollarini muhokama qiladilar.
TOSHKENT, 22 iyun — Sputnik.Oʻzbekiston Respublikasining SHHTga raisligi doirasida 24 iyun kuni Toshkentda SHHTga aʼzo davlatlar energetika vazirlarining ikkinchi yigʻilishi boʻlib oʻtadi. Bu haqda TIV rasmiy vakilining axborotida maʼlum qilindi.
Aytilishicha yigʻilishda Oʻzbekiston, Hindiston, Pokiston, Rossiya, Xitoy, Tojikiston, Qirgʻiziston, Qozogʻiston energetika vazirliklari rahbarlari tashkilot uchun strategik muhim boʻlgan energetika yoʻnalishdagi hamkorlikning bugungi holati va istiqbollarini muhokama qiladilar.
“Yigʻilish yakunida SHHTning energetika yoʻnalishida kontseptual hujjatlari tasdiqlanishi kutilmoqda”, deyiladi xabarda.
SHHTga aʼzo davlatlarning Energetika sohasidagi hamkorligi kontsepsiyasini amalga oshirish boʻyicha chora-tadbirlar rejasi hamda Oʻzbekiston tashabbusi bilan ishlab chiqilgan SHHTga aʼzo davlatlarning Qayta tiklanadigan energiya manbalaridan foydalanish sohasidagi hamkorligi dasturi loyihasi shular jumlasidandir.
Bundan tashqari, SHHTga aʼzo davlatlar delegatsiyalari rahbarlari Oʻzbekiston energetika forumida ham ishtirok etadilar.
Yangiliklar lentasi
0