Jamiyat

Toshkentda Urush qurbonlari xotirasi yod olindi – video

© Sputnik / Ramiz BaxtiyarovPosol Rossii v Uzbekistane Oleg Malginov neset tsvetы k Vechnomu ognyu v Tashkente
Posol Rossii v Uzbekistane Oleg Malginov neset tsvetы k Vechnomu ognyu v Tashkente - Sputnik Oʻzbekiston, 1920, 22.06.2022
Obuna boʻlish
Yandex newsTelegram
Ulugʻ Vatan urushida Oʻzbekistonning 1,9 milliondan ortiq aholisi qatnashgan va ularning 540 mingdan ortigʻi qurbon boʻlgan.
TOSHKENT, 22 iyun — Sputnik. Oʻzbekiston poytaxti aholisi bugun tongda “Birodarlik qabristoni” yodgorlik majmuasidagi Mangu alangaga gullar olib kelishdi. Bu haqda Sputnik muxbiri xabar berdi.
1941 yil 22 iyun kuni fashistlar Germaniyasi urush eʼlon qilmasdan Sobiq Ittifoq hududiga bostirib kirgan, millionlab sovet odamlari qurbon boʻlgan Ulugʻ Vatan urushi boshlangan edi. Shu saba ushbu kunda Urush qurbonlarini xotirasi yod olinadi.
Bugungi marosimda Rossiyaning Oʻzbekistondagi Favqulodda va muxtor elchisi Oleg Malginov, Toshkentdagi Rus uyi rahbari Mixail Vojdayev, respublika rasmiylari, xorijiy diplomatlar, jamoatchilik vakillari, yoshlar, jurnalistlar ham keldi. Ular Mangu olov yoniga gul qoʻydi va Ulugʻ Vatan urushi qurbonlarining xotirasiga hurmat bajo keltirdi.
Kecha kechasi “Birodarlik qabristoni” yodgorlik majmuasi hududida “Xotira shami” aktsiyasi boʻlib oʻtgan edi. Unga bir necha yuz kishi tashrif buyurdi.
Ishtirokchilar shamlardan “1941 yil 22 iyun”, “Eslab qolamiz” yozuvi, shuningdek, urush yillarida Toshkentda ishlab chiqarilgan Li-2 samolyoti kompazitsiyasini yaratdi.
Tadbir “Gʻalaba koʻngillilari”ning Oʻzbekistondagi xalqaro vakolatxonasi, Toshkentdagi Rus uyi tomonidan Rossiyaning Oʻzbekistondagi elchixonasi koʻmagida tashkil etildi.
Rossiya arxivlaridan olingan maʼlumotlarga koʻra, Ulugʻ Vatan urushida Oʻzbekistonning 1,9 milliondan ortiq aholisi qatnashgan. Ularning 540 mingdan ortigʻi halok boʻlgan, 160 mingga yaqini bedarak yoʻqolgan.
Bugungi kunda respublikada 500 ga yaqin urush qatnashchisi, 10 mingdan ortiq mehnat fronti mehnatkashlari istiqomat qiladi.
Yangiliklar lentasi
0