Siyosat

Hududlarda elektr energiyasini sotuvchi xususiy kompaniyalar tashkil etiladi

© Press-slujba prezidenta Uzbekistana Shavkata MirziyoyevaPrezident Uzbekistana Shavkat Mirziyoyev na soveщanii po voprosam transformatsii elektroenergeticheskix predpriyatiy
Prezident Uzbekistana Shavkat Mirziyoyev na soveщanii po voprosam transformatsii elektroenergeticheskix predpriyatiy - Sputnik Oʻzbekiston, 1920, 24.06.2022
Obuna boʻlish
Yandex newsTelegram
Energetika tizimini modernizatsiya qilish, iqtisodiyot tarmoqlari va aholi ehtiyojlarini toʻliq qondirish uchun kelgusi yillarda 20 milliard dollarga yaqin investitsiya talab etiladi.
TOSHKENT, 24 iyun — Sputnik. Kelgusi yilda 14 ta tuman va shaharda “Hududiy elektr tarmoqlari” AJga muqobil tarzda, isteʼmolchilarga elektr energiyasini sotadigan xususiy chakana savdo kompaniyalari tashkil etiladi. Bu haqda prezident ishtirokida boʻlib oʻtgan elektr energetikasi korxonalari faoliyatini transformatsiya qilish masalalari boʻyicha yigʻilishda maʼlum qilindi.
Yigʻilishda energetika bozorini boshqarish boʻyicha yangi tizim yaratish masalalari muhokama etildi.
Qayd etilganidek, energetika tizimini modernizatsiya qilish, iqtisodiyot tarmoqlari va aholi ehtiyojlarini toʻliq qondirish uchun kelgusi yillarda 20 milliard dollarga yaqin investitsiya talab etiladi. Buning uchun sohada raqobatli bozorni shakllantirish va xususiy investorlarga sharoitlarni kengaytirish zarur.
“Xususiy generatsiya korxonalari ulanishi uchun teng sharoit yaratish maqsadida “Oʻzbekiston milliy elektr tarmoqlari” aktsiyadorlik jamiyatining elektr energiyasini yagona xarid qilish va magistral tarmoqlarni boshqarish vakolatlarini ajratish taklifi bildirildi”, deyiladi xabarda.
Bunda, yagona xarid qiluvchi kompaniya barcha elektr stantsiyalaridan elektr energiyasini shartnoma asosida sotib olib, yirik korxona va hududiy elektr tarmoqlari korxonalariga sotadi.
Magistral tarmoq operatori esa elektr energiyasini yetkazib berish, yoʻqotishlarni kamaytirish va energotizimni texnik boshqarish bilan shugʻullanadi.
Maʼlumot uchun,“Oʻzbekenergo” aktsiyadorlik jamiyati negizida elektr energiyasi ishlab chiqarish, yetkazib berish va sotish boʻyicha 3 ta alohida tuzilma tashkil etilgan. 7 million isteʼmolchi Elektr energiyasini nazorat qilish va hisobga olishning avtomatlashtirilgan tizimiga ulanib, aholidan toʻlov undirish 100 foiz taʼminlanmoqda. Generatsiya sohasida jami 7 milliard dollarlik 19 ta quyosh, shamol va issiqlik elektr stantsiyalari qurish boʻyicha loyihalarga xorijiy investorlar jalb qilingan.
Yangiliklar lentasi
0