Jamiyat

Oʻzbekistonda Omicron'ning eng yuqumli shtammi aniqlandi

© pexels.com/Polina TankilevitchChelovek, derjaщiy probirki
Chelovek, derjaщiy probirki - Sputnik Oʻzbekiston, 1920, 24.06.2022
Obuna boʻlish
Yandex newsTelegram
Oʻzbekistonda koronavirusning eng yuqumli shtammi — “Stealth-Omicron” BA.2 varianti aniqlandi.
TOSHKENT, 24 iyun — Sputnik. Oʻzbekistonda koronavirus omikron-shtammining eng yuqumli deb aytilayotgan “Stealth-Omicron” BA.2 varianti aniqlandi. Bu haqda Sanitariya-epidemiologik osoyishtalik va jamoat salomatligi xizmati boshligʻi Bahodir Yusupaliyev OʻzAga bergan intervyusida maʼlum qildi.

SES rahbariga koʻra, Innovatsion rivojlanish vazirligining Ilgʻor texnologiyalar markazida virus genomini oʻrganish (sekvenlash) boʻyicha oʻtkazilgan tahlillarning 67 foizida Omicron va 33 foizida Omicron shtammining yangi mutatsiyadagi “Stealth-Omicron” BA.2 varianti topilgan.

“Bugungi kunda mamlakatimizda koronavirus infektsiyasi boʻyicha vaziyat barqarorligi taʼminlanib kelinmoqda. Lekin oʻtgan ikki yil davomida aynan iyul-avgust oylarida kasallanish koʻtarilganligi qayd etilgan. Shuning uchun koronavirus infektsiyasi tarqalishini oldini olish maqsadida aholini koronavirus infektsiyasiga qarshi emlash va buster dozasi bilan qayta emlash ishlarini jadallashtirish katta ahamiyatga ega”, deya qoʻshimcha qildi Bahodir Yusupaliyev.
Respublika boʻyicha roʻyxatga olingan bemorlar yoshma-yosh tahlil qilinganda, koronavirusga chalinganlar orasida:
14 yoshgacha boʻlgan bolalar oʻrtacha 3−4 foizni;
15−19 yoshdagilar 2−3 foizni;
20−29 yoshdagilar 24−25 foizni;
30−39 yoshdagilar 16−17 foizni;
40−49 yoshdagilar 14−15 foizni;
50−59 yoshdagilar 9−10 foizni;
60 yosh va undan kattalar 16−17 foizni tashkil etmoqda.
Kasallik manbai surishtirilganda 35−40 foiz holatda oiladan, 15−20 foiz holatda bemor koʻshnilari yoki qarindoshlaridan, 7−8 foiz holatda jamoat joylarida, 5−8 foiz holatda ish joyida yuqtirib olingani aniqlangan.
Bahodir Yusupaliyevning taʼkidlashicha, Oʻzbekistonda koronavirus infektsiyasiga qarshi emlashda qoʻllanilgan jami vaktsinalar soni 57,7 million dozadan oshgan. Ulardan birinchi bosqich emlanganlar 20 million 550 ming 541 nafarni, ikkinchi bosqichda emlanganlar 16 million 856 ming 230 nafarni, uchinchi bosqich va buster doza bilan emlanganlar 20 million 355 ming 55 nafarni tashkil qilgan.
12-18 yoshdagi emlanuvchilar uchun jami 1 million 587 ming 480 doza vaktsinadan foydalanilgan. Ulardan birinchi bosqich emlanganlar 863 ming 351 nafarni, ikkinchi bosqichda emlanganlar 675 ming 766 nafarni, uchinchi bosqich va buster doza bilan emlanganlar 48 ming 363 nafarni tashkil qilmoqda.
Yangiliklar lentasi
0