Jamiyat

Tez orada Pokistonga oʻzbek qovunlari eksporti boshlanadi

Qovunning Zarhal navi - Sputnik Oʻzbekiston, 1920, 24.06.2022
Obuna boʻlish
Yandex newsTelegram
Yil yakuniga qadar Pokistonga 2,5 tonna xoʻl va quruq meva eksportini amalga oshirish rejalashtirilgan.
TOSHKENT, 24 iyun — Sputnik. Tez orada Pokistonga oʻzbek qovunlari eksporti boshlanadi. Bu haqda yaqinda Afgʻoniston hududi orqali Pokistonga oʻzbek haydovchilari bilan yuk tashuvlarini amalga oshirgan “Chemical Business” korxonasi rahbari Faxriddin Nabiyev maʼlum qildi.
“Mart oyida Prezidentlar uchrashuvidan keyin ikki tomonlama judayam katta imkoniyatlar yuzaga keldi. Bizga asosan, portlar kerak, yaʼni dengiz kerak. Biz Oʻzbekistonning mahsulotlarini tezroq portga yetkazib berishimiz kerak. Prezidentlar uchrashuvidan keyin bu imkoniyatlar ochildi va biz hozir ulardan 100 % foydalanayapmiz”, deydi Faxriddin Nabiyev.
Uning soʻzlariga koʻra, daslabki bosqichda korxona tomonidan Sirdaryoda yetishtirilgan 40 tonnaga yaqin qovun mahsulotlari Pokiston bozoriga yetkazib beriladi.
Yil yakuniga qadar esa Pokiston Islom Respublikasiga 2500 tonna xoʻl va quruq meva eksportini amalga oshirish rejalashtirilgan.
Eslatib oʻtamiz, ushbu korxona ishchilari boʻlgan Dilmurod Normatov va Oybek Begmatovlar “Toshkent – Termiz – Mozori-Sharif – Kobul – Peshovar – Karachi” yoʻnalishida yuk tashuvlarini amalga oshirgan ilk oʻzbek haydovchilaridir.
Yangiliklar lentasi
0