Sport

Ulugʻbek Rashitov taekvondo boʻyicha Osiyo chempioni boʻldi

© Milliy Olimpiya qoʻmitasi Ulugʻbek Rashitov tayekvondo boʻyicha Osiyo chempioni boʻldi
Ulugʻbek Rashitov tayekvondo boʻyicha Osiyo chempioni boʻldi - Sputnik Oʻzbekiston, 1920, 24.06.2022
Obuna boʻlish
Yandex newsTelegram
Ulugʻbek Rashitov finalda iordaniyalik Zaid Karimga qarshi dayanga chiqdi va ikkala raundda ham gʻalabaga erishdi.
TOSHKENT, 24 iyun — Sputnik. Oʻzbekistonlik sportchi Ulugʻbek Rashitov Osiyo chempioni boʻldi. Bu haqda Milliy Olimpiya qoʻmitasi xabar berdi.
Janubiy Koreyada taekvondo boʻyicha Osiyo chempionati boʻlib oʻtmoqda.
Unda -68 kg vazn toifasida Ulugʻbek Rashitov finalda iordaniyalik Zaid Karimga qarshi dayanga chiqdi va ikkala raundda ham gʻalabaga erishib, Osiyo chempioniga aylandi.
Rashitov musobaqani nimchorak finaldan boshladi va falastinlik Fahid Abdulrazoqni 2:0 hisobida taslim qildi.
Shundan soʻng chorak finalda moʻgʻulistonlik Engbold Buyanshagai, yarim finalda eronlik Doniyol Bozorgishob ham magʻlub etildi – 2:0.
Shuningdek, -53 kg vazn toifasi ishtirok etgan Charos Qayumova musobaqani kumush medal bilan yakunladi. U bellashuvda eronlik Nahid Kiyanchandehga imkoniyatni boy berdi.
Shu tariqa, qitʼa birinchiligining birinchi kunida Oʻzbekiston jamoasi 1 ta oltin va 1 ta kumush medallariga sazovor boʻldi.
Yangiliklar lentasi
0