Rossiya

Medvedev qanday vaziyatda 3-jahon urushi boshlanishi mumkinligini aytdi

© Sputnik / Yekaterina Shtukina / Fotobankka oʻtishZampred Soveta bezopasnosti RF D. Medvedev provel zasedaniye mejvedomstvennoy komissii Sovbeza RF
Zampred Soveta bezopasnosti RF D. Medvedev provel zasedaniye mejvedomstvennoy komissii Sovbeza RF - Sputnik Oʻzbekiston, 1920, 28.06.2022
Obuna boʻlish
Yandex newsTelegram
Medvedev: Ukrainaning NATOga kirishi uchinchi jahon urushiga olib kelishi mumkin.
TOSHKENT, 28 iyun — Sputnik. Qrimni egallashga boʻlgan har qanday urinish Rossiya tomonidan urush eʼlon qilingan deb baholanadi, dedi Rossiya Xavfsizlik kengashi raisi oʻrinbosari Dmitriy Medvedev “Argumentы i faktы” gazetasiga bergan intervyusida.
"Biz uchun Qrim Rossiyaning bir qismidir. Va bu abadiy. Qrimga bostirib kirishga har qanday urinish mamlakatimizga qarshi urush eʼlon qilishdir. Va agar buni NATOga aʼzo boʻlgan davlat qilsa, bu butun Shimoliy Atlantika alyansi bilan ziddiyat deganidir. Uchinchi jahon urushi. Toʻliq falokat", deya taʼkidladi u.
Medvedevning soʻzlariga koʻra, Ukrainadan farqli oʻlaroq Shvetsiya va Finlyandiyaning NATOga qoʻshilishi Rossiyaga yangi tahdid tugʻdirmaydi.

“Bu davlatlar avvallari Rossiya bilan juda hurmatli va oʻzaro xayrixoh deyish mumkin boʻlgan munosabatlarga ega edi. Hududiy nizolar va hatto ularga sabab ham yoʻq. Agar ular Ittifoqqa qoʻshilish orqali oʻzlarini yaxshi va xotirjam his qilsalar, omad tilaymiz. NATO Shvetsiya va Finlyandiyasiz ham bizning mamlakatimizga yaqin”, deya qoʻshimcha qildi u.

Medvedevga koʻra, NATOdagi Ukraina Rossiya uchun ancha xavfli. Bunga hududiy nizolarning hal etilmagani, shuningdek, hududlar maqomini boshqacha tushunish sabab boʻlgan.
“Ukraina xalqiga nisbatan chuqur hurmatni his qilmaslik mumkin emas. Rossiya fuqarolari ular bilan eng yaqin aloqalar — qarindoshlik, tarixiy, madaniy aloqalar bilan bogʻlangan. Soʻnggi yillarda ukrainaliklar qiyin kunlarni boshdan kechirishmoqda. Ukraina xalqi bu sinovlarni yengib oʻtadi. Ular oʻzi uchun yaxshiroq kelajak, kuchli rahbarlar, adolatli qonunlar va muvaffaqiyatli iqtisodiy modelni tanlaydi. Va men bu modelning Yevropa Ittifoqi bilan bogʻlanishiga umuman ishonmayman. Bundan tashqari, yana bir bor aytaman, “nomzod” maqomiga qaramay, Ukrainaning u yerga qoʻshilish imkoniyati xayoliydir”, dedi Xavfsizlik kengashi raisi oʻrinbosari.
Yangiliklar lentasi
0