Jamiyat

Metro poyezdlarning harakat tezligi kamaytiriladi

© “Toshkent metropoliteni” DUK matbuot xizmatimetro
metro - Sputnik Oʻzbekiston, 1920, 28.06.2022
Obuna boʻlish
Yandex newsTelegram
Toshkent metrosining yerusti yoʻnalishlarida issiq harorat sabab poyezdlar tezligi kamaytiriladi,
TOSHKENT, 28 iyun — Sputnik. Toshkent metropolitenining barcha yer usti stantsiyalaridagi poyezdlar harakat tezligini kamaytiradi. Bu haqda “Toshkent metropoliteni” DUK matbuot xizmati xabar qildi.
Qayd etilishicha, havo haroratining keskin isishi sababli, poyezdlar harakati xavfsizligini taʼminlash maqsadida Toshkent metropolitenining barcha yer usti bekatlarida harakatlanayotgan poyezdlar tezligi soat 12:00 dan 18:00 ga qadar kamaytiriladi.
Ushbu holat elektropoyezdlar qatnovidagi oraliq intervallarga ham taʼsir qiladi. Yaʼni endi poyezdlar bekatlarga sekinroq keladi.
Maʼlumot uchun, Oʻzgidromet 25-29 iyun kunlari Oʻzbekiston hududiga Turkmaniston orqali Eron hududlaridan issiq havo kirib kelishini maʼlum qilgandi.
Bunday issiq havo paytida poʻlat izlardagi harorat yanada yuqori boʻladi. Shu sabab “Oʻztemir yoʻlyoʻlovchi” rahbariyati poyezdlar tezligiga cheklov kiritdi. Bu orqali poyezdlar belgilangan manzillarga kechikib borish holatlari kuzatiladi. Bundan tashqari, havo haroratining keskin koʻtarilishi poyezdlar harakat jadvaliga ham taʼsir oʻtkazdi.
Yangiliklar lentasi
0