Iqtisod

Toshkentda 500 dan ortiq investitsiya loyihalari amalga oshiriladi

© Press-slujba prezidenta UzbekistanaToshkentda 500 dan ortiq investitsiya loyihalari amalga oshiriladi
Toshkentda 500 dan ortiq investitsiya loyihalari amalga oshiriladi - Sputnik Oʻzbekiston, 1920, 28.06.2022
Obuna boʻlish
Yandex newsTelegram
Poytaxtda oʻtgan besh oy davomida xizmat koʻrsatish sohasida 5 ming 500 ta loyiha doirasida 183 mingta ish oʻrni yaratildi.
TOSHKENT, 28 iyun — Sputnik. Bu yil poytaxtda qariyb 4 milliard dollar investitsiya hisobiga 500 dan ziyod loyihani amalga oshirish rejalashtirilgan.
Shavkat Mirziyoyev Toshkentda amalga oshirilayotgan investitsiya loyihalari taqdimoti bilan tanishdi.
Qayd etilganidek, bugungi kunga kelib, 4 mlrd dollar investitsiyaning 1 milliard 500 mln dollari oʻzlashtirilgan. 120 mln dollarlik 71 ta loyiha ishga tushirilib, 5 mingdan ortiq ish oʻrni yaratilgan.
Umumiy miqdori 2 milliard 300 million dollarlik yana 450 ta loyiha boʻyicha ish olib borilmoqda.
“Prezident birinchi yarim yillikdagi koʻrsatkichlar yetarli emasligini taʼkidlab, kechikayotgan loyihalarning muammosini hal qilish, investitsiyalar jalb etishni koʻpaytirish boʻyicha koʻrsatmalar berdi”, deyiladi xabarda.
Shuningdek, taqdimotda “Yangihayot” industrial texnoparkida olib borilayotgan ishlar ham koʻrib chiqildi.
Aytilishicha, ushbu texnopark uchun 210 gektar maydon ajratilgan. Bosh reja ishlab chiqilib, bugungi kunda muhandislik-kommunikatsiya tarmoqlarini barpo etish boshlangan.
“Hech qaysi davlatda tadbirkorga yengillik yaratmasdan turib, natijaga erishib boʻlmaydi. Bu texnopark tadbirkorlar uchun qulay maydon boʻlishi kerak. Import oʻrnini bosadigan, koʻproq odamlarni ish bilan taʼminlaydigan loyihalarga eʼtibor qaratish kerak”, deydi prezident.
Birinchi bosqichda texnoparkning 110 gektar maydoni auktsionda sotilgan. Ularda oshxona jihozlari, qandolatchilik va toʻqimachilik mahsulotlari, santexnika tovarlari, polietilen va metall buyumlar ishlab chiqarish loyihalari joylashtirilgan. Umuman, texnoparkda tashkil etiladigan korxonalarda 20 ming ish oʻrni yaratilishi moʻljallangan.
Yangiliklar lentasi
0