Jamiyat

Toshkentdagi Shota Rustaveli haykaliga oʻzgartirish kiritiladi

CC BY-SA 4.0 / / Pamyatnik Shota Rustaveli v Tashkente.
Pamyatnik Shota Rustaveli v Tashkente.   - Sputnik Oʻzbekiston, 1920, 28.06.2022
Obuna boʻlish
Yandex newsTelegram
Haykalni asli saqlangan holda, salobatini yoʻqotmaslik maqsadida 50 smga balandroq koʻtarish rejalashtirilgan.
TOSHKENT, 28 iyun — Sputnik. Ijtimoiy tarmoqlarda Toshkent shahri Yakkasaroy tumani Shota Rustaveli koʻchasida joylashgan Shota Rustaveli haykali olib tashlanayotgani haqida xabarlar tarqaldi. Holat yuzasidan Toshkent shahar Madaniy meros boshqarmasi matbuot xizmati izoh berdi.
Qayd etilishicha, “Shota Rustaveli” Monumental sanʼat yodgorligi XX asrga oid boʻlib, moddiy madaniy merosning koʻchmas mulk obʼyektlari milliy roʻyxatiga kiritilgan.
“Hozirda ushbu koʻcha obodonlashtirilmoqda. Madaniy meros agentligining Ilmiy ekspert kengashi tomonidan loyihaga ruxsat berilgan. Unga asosan haykalni asli saqlangan holda, salobatini yoʻqotmaslik maqsadida 50 smga balandroq koʻtarish uchun vaqtinchalikka olinmoqda”, deyiladi xabarda.
May oyida Toshkent shahar hokimi Jahongir Ortiqxoʻjayev Shota Rustaveli haykali atrofidagi xiyobonning rekonstruktsiya qilinishini maʼlum qilgan edi.
Yangiliklar lentasi
0