Jamiyat

Koronavirus haqida yana vahimali xabarlar tarqatish boshlandi - Nurmat Atabekov

© Ministerstvo zdravooxraneniya respubliki UzbekistanGlavnыy san inspektor Uzbekistana - Nurmat Otabekov
Glavnыy san inspektor Uzbekistana - Nurmat Otabekov  - Sputnik Oʻzbekiston, 1920, 29.06.2022
Obuna boʻlish
Yandex newsTelegram
SSV fuqarolardan ijtimoiy tarmoqlarda tarqatilayotgan axborotlarni sogʻlom aql bilan baholashlarini, tekshirib koʻrishlarini soʻramoqda.
TOSHKENT, 29 iyun - Sputnik. Sanitariya-epidemiologik osoyishtalik va jamoat salomatligi xizmati boshligʻi oʻrinbosari, tibbiyot fanlari doktori, professor Nurmat Atabekov ijtimoiy tarmoqlarda soʻnggi kunlarda koronavirus haqida tarqalayotgan vahimali xabarlarga izoh berdi.
— Bu audioyozuvlarlarni tinglab koʻrsangiz, ular sizga tanish tuyuladi. Chunki ushbu xabarlar kasallik avj olgan oʻtgan yilgi pandemiya davrida ham oʻrtaga chiqqan edi. Buni ulardagi leksika va umumiy manzaradan ham sezish qiyin emas.
Deylik, bu xabarlardan birida virusning yangi shtammi tarqalib ketgani haqida soʻz boradi.
Holbuki, ayni paytda yurtimizda koronavirusning asosan “omikron” shtammi aniqlanmoqda. Bu bemorlarning 98 foizida kasallik yengil darajada kechyapti. Mazkur shtammning yurtimizda tarqala boshlaganiga esa yarim yilga yaqinlashyapti, deydi Otabekov.
Asl vaziyatga qaraydigan boʻlsak, bir kunda mamlakatimizda oʻrtacha 100-120 ta kasallanish qayd etilmoqda. Albatta, 35 million aholi orasida bu — juda kichik koʻrsatkich.
Shunday boʻlsa-da, COVID-19 ga chalinmaslikning asosiy va eng samarali yoʻli vaktsinatsiya boʻlib turibdi. 2 yoki 3 bosqichli emlashni qabul qilgan fuqarolar 6 oydan soʻng buster dozani olishlari, shundan 6 oy oʻtib, yana qayta emlanishlari mumkin.
Yuqoridagi asossiz xabarlarni tarqatayotgan kimsalar aholi orasida xavotir uygʻotishga harakat qilayotgani koʻrinib turibdi. Shu bois fuqarolardan ijtimoiy tarmoqlardagi axborotlarni sogʻlom aql bilan baholashlarini, ularni tarqatayotganda asosliligini tekshirib koʻrishlarini soʻraymiz.
Yangiliklar lentasi
0