Iqtisod

OKMK va MISiS orasida texnologik hamkorlik kuchaymoqda

© Press-slujba filiala NITU "MISiS" v AlmalыkeAlmalыkskiy filial rossiyskogo Natsionalnogo issledovatelskogo texnologicheskogo universiteta "MISiS"
Almalыkskiy filial rossiyskogo Natsionalnogo issledovatelskogo texnologicheskogo universiteta MISiS - Sputnik Oʻzbekiston, 1920, 30.06.2022
Obuna boʻlish
Yandex newsTelegram
MISiSning Olmaliq filiali kelgusida nafaqat togʻ-kon balkim boshqa sohalarda ham transfer texnologiyalarni rivojlantirish bilan shugʻullanadi.
TOSHKENT, 30 iyun - Sputnik. Olmaliq kon-metallurgiya kombinati AJ hamda “MISiS” Milliy texnologik tadqiqotlar universitetining Olmaliq shahridagi filiali bilan birgalikda ilmiy tadqiqotlar olib borilmoqda, deb xabar qilmoqda Sputnik muxbiri.
Shu kunlarda “MISiS” Rossiyaning milliy texnologik tadqiqotlar universiteti mutaxassislaridan tarkib topgan delegatsiya Olmaliq shahriga tashrif buyurdi. Tashrif chogʻida oʻzaro kelishuvlar olib borish va Olmaliq kon-metallurgiya kombinati AJ bilan hamkorlikda yangi taʼlim yoʻnalishlarini ochish moʻljallangan.
“Biz yaqin 3 yil ichida aniq yoʻnalishlarda oʻzaro hamkorliklarni keng yoʻlga qoʻymoqchimiz. Barcha tajribalar Olmaliq kon-metallurgiya kombinati AJ bilan “MISiS” Milliy texnologik tadqiqotlar universitetining Olmaliq shahridagi filialida oʻtkaziladi. Talabalar oʻzlarining yangi loyihalarini taqdim etishadi. Bu albatta kelgusida ilmiy loyihalarni rivojlantiradi hamda oʻquv jarayonlarini jadallashtiradi”, - deydi Kommertsialitsiya texnologik tadqiqot markazi direktori, iqtisodiyot fanlari nomzodi Yevgeniy Rogozinskiy, Sputnik muxbiri bilan boʻlgan suhbatda.
Kon-metallurgiya sanoatini rivojlantirish uchun filialda transfer texnologiyalarining hududiy markazi ishga tushadi. Mazkur jarayon mutaxassislarni lokalizatsiya qilish va texnologiyalar uzatishning metodik ravishda sozlash imkonini beradi.
“Hozirda Olmaliq kon-metallurgiya kombinati AJ “MISiS” Olmaliq filialining asosiy hamkori boʻlib, kelgusida boshqa ishlab chiqarish tarmoqlarini rivojlantirish orqali filial potentsialini yanada rivojlantirish rejalashtirilmoqda. Bu juda muhim, chunki mamlakatda iqtisodiyot va innovatsiyalar taraqqiyoti transfer texnologiyalarning taʼminoti bilan chambarchas bogʻliq”, - deya taʼkidladi Rogozinskiy.
Olmaliq kon-metallurgiya kombinati

OKMK - Oʻzbekistonning eng yirik korxonalaridan biridir. Uning YAIMda - 7%, eksportda - 15 %ni tashkil qiladi. Kon hududi 11 ming gektar, yiliga 65 million tonna maʼdan qazib olish quvvatiga ega. Bu konda oltin, mis, kumush, molibden, selen kabi 13 turdagi qimmatli va nodir metallar bor. Ularni qayta ishlash uchun Olmaliq kon-metallurgiya kombinatida 3-mis boyitish fabrikasi qurilmoqda.

Loyiha doirasida, shuningdek, ohak zavodi, 650 megavattli elektr tarmogʻi va boshqa infratuzilma obʼyektlari barpo etiladi. Jami 6 ming kishi ish bilan taʼminlanadi.

Aytish joizki, 3-mis boyitish fabrikasi qurilishi - Rossiya bilan hamkorlik asosida amalga oshiriladi. Xususan, Rossiyaning "Uralmashzavod" korxonasidan umumiy qiymati 1 milliard dollarga teng boʻlgan aspob-uskunalar sotib olish rejalashtirilgan.

KengaytirishYigʻishtirish
MISiS

Toʻliq nomi - NUST MISiS. Federal davlat avtonom oliy taʼlim muassasasi "Milliy tadqiqot texnologik universiteti" MISiS ". (Moskovskiy Institut Stali i Splavov)

Materialshunoslik, metallurgiya va togʻ-kon sanoati sohasidagi yetakchi Rossiya universiteti.

Tarkibiga 9 ta institut va 6 ta filial kiradi, ulardan 4 tasi Rossiyada va 2 tasi chet elda faoliyat yuritadi. Universitetda 30 dan ortiq tadqiqot laboratoriyalari va jahon darajasidagi 3 ta muhandislik markazlari mavjud.

Bugungi kunda universitet Rossiyaning kvant fizikasi sohasidagi asosiy tadqiqot markazlaridan biri hisoblanadi.

KengaytirishYigʻishtirish
Yangiliklar lentasi
0