Jamiyat

Qamoqdan chiqqan fuqarolarga bir martalik yordam puli beriladi

© Sputnik / Yevgeniy KozыrevZaklyuchennыy na skamye podsudimыx
Zaklyuchennыy na skamye podsudimыx - Sputnik Oʻzbekiston, 1920, 30.06.2022
Obuna boʻlish
Yandex newsTelegram
Yordam puli har bir koʻmak oluvchiga uning ijtimoiy moslashuviga koʻmaklashish uchun tadbirkorlik, meʼmorchilik kabi yoʻnalishlardagi loyihalarini amalga oshirish uchun bir marta beriladi.
TOSHKENT, 30 iyun — Sputnik. Ozodlikdan mahrum etish jazosini oʻtab boʻlgan fuqarolarga 9 mln 200 ming soʻmdan yordam puli beriladi. Bu haqda prezident Shavkat Mirziyoyevning qarroi bilan tasdiqlangan nizomda belgilangan.
Yordam puli har bir koʻmak oluvchiga uning ijtimoiy moslashuviga koʻmaklashish uchun tadbirkorlik, meʼmorchilik, hunarmandchilik kabi yoʻnalishlardagi loyihalarini amalga oshirish uchun bir marta beriladi (mehnatga haq toʻlashning eng kam miqdorining 10 baravari miqdorida – 9 mln 200 ming soʻm).
Yordam pullari ushbu masalasini koʻrib chiquvchi idoralararo doimiy komissiyalarning qarorlari asosida beriladi. Koʻmak oluvchilar jazoni oʻtab boʻlganidan keyin 3 oy muddatda ishchi organga oʻz loyihasini ilova qilgan holda ariza taqdim etadi.
Loyihani moliyalashtirish maqsadga muvofiqligi yuzasidan xulosani tayyorlash quyidagi mezonlarga asoslanadi:
boshlamoqchi boʻlgan tadbirkorlik, meʼmorchilik yoki hunarmandchilik faoliyatining natijadorligi va daromadli ekanligi;
mahalla fuqarolar yigʻinining ijobiy tavsiyasi;
kam taʼminlangan yoki yolgʻizligi;
qaramogʻida nogironligi boʻlgan yoki voyaga yetmagan farzandi borligi;
koʻp (4 va undan ortiq) farzandi borligi va moddiy koʻmakka muhtojligi;
noturar joylarda istiqomat qilayotganligi.
Yangiliklar lentasi
0