Hodisalar

“Zarafshon” milliy tabiat bogʻida sodir boʻlgan yongʻin oʻchirildi

© Samarqand Favqulodda vaziyatlar boshqarmasi matbuot xizmati“Zarafshon” milliy tabiat bogʻi
“Zarafshon” milliy tabiat bogʻi - Sputnik Oʻzbekiston, 1920, 30.06.2022
Obuna boʻlish
Yandex newsTelegram
Yongʻinni oʻchirishga FVBning 6 ta yongʻin-qutqaruv ekipaji jalb etilgan.
TOSHKENT, 30 iyun - Sputnik. 29 iyun kuni Samarqand viloyati Jomboy tumanida joylashgan “Zarafshon” milliy tabiat bogʻiga qarashli oʻrmonda sodir boʻlgan yongʻin oʻchirildi. Bu haqda viloyat Favqulodda vaziyatlar boshqarmasi matbuot xizmati xabar berdi.
Qayd etilishicha, kecha soat 13:15 da “Zarafshon” MFYda joylashgan “Zarafshon” milliy tabiat bogʻiga qarashli oʻrmonda yongʻin sodir boʻlayotganligi toʻgʻrisida tuman FVBga xabar kelib tushgan.
Shundan soʻng, yongʻin-qutqaruv boʻlinmalari hodisa joyiga soat 13:27 da yetib borgan. Soat 14:40 da yongʻin qurshab olingan va soat 17:00 da bartaraf etilgan. Yongʻinni oʻchirishga FVBning 6 ta yongʻin-qutqaruv ekipaji jalb etilgan.
“Hodisa oqibatida hech kim tan jarohati olmagan va halok boʻlmagan. Hozirda yongʻin kelib chiqish sababi va moddiy zarari aniqlanmoqda”, deyiladi xabarda.
Maʼlumot uchun, 2020 yil 26 iyul kuni ham mazkur bogʻda yongʻin sodir boʻlgan edi. Oʻshanda alanga bogʻning 2 ming kvadrat maydonini qamrab olgandi.
Bundan tashqari, 2021 yil 3 iyulda ham bogʻda sodir boʻlgan. Oqibatda 1,5 gektar maydonda oʻsimlik dunyosi yonib ketgan.
2022 yil 21 fevral kuni sodir boʻlgan yongʻinda esa “Zarafshon” milliy tabiat bogʻidagi 25 sotix maydonda daraxt va butalar yonib ketgan.
Yangiliklar lentasi
0