Jamiyat

Qoraqalpogʻiston Joʻqorgʻi Kengesi bayonoti

© Blagotvoritelnыy fond "Maxallya" Jokargы Kenes Respubliki Karakalpakstan

Jokargы Kenes Respubliki Karakalpakstan - Sputnik Oʻzbekiston, 1920, 02.07.2022
Obuna boʻlish
Yandex newsTelegram
Huquqni muhofaza qilish organlari tomonidan ommaviy tartibsizlik uyushtirishga yoʻl qoʻyilmadi - deyilgan bayonotda.
TOSHKENT, 2 iyul - Sputnik. Qoraqalpogʻiston Joʻqorgʻi Kengesi, Vazirlar Kengashi va Ichiki Ishlar vazirligi Nukusda boʻlb oʻtgan voqealar yuzasidan bayonot eʼlon qildi.
Unda quyidagidlar aytib oʻtilgan:
"Oʻzbekiston Respublikasida olib borilayotgan ochiqlik va xohish-irodani erkin ifoda qilish siyosatiga qaramay, 2022 yil 1 iyul kuni Nukus shahrida bir guruh jinoyatchi shaxslar Qoraqalpogʻiston Respublikasining davlat boshqaruvi organlarini egallashga urinishda ifodalangan gʻayriqonuniy harakatlarni tashkil etdi.
Populistik shiorlarni niqob qilib olib, fuqarolarning ongi va ishonchini manipulyatsiya qilib, tartibsizliklar tashkilotchilari hokimiyat vakillarining qonuniy talablariga boʻysunmay, respublika fuqarolarini Qoraqalpogʻiston Respublikasining maʼmuriy binolari oldidagi maydonga yigʻdilar.
Igʻvogarlar yigʻilgan fuqarolarga tayangan holda ushbu davlat muassasalarini egallab olishga va shu orqali jamiyatda ixtilof keltirib chiqarish, Oʻzbekistondagi ijtimoiy-siyosiy vaziyat barqarorligini izdan chiqarishga urindilar.
Huquqni muhofaza qilish organlari tomonidan qabul qilingan qatʼiy choralar bilan tashabbuskorlarning gʻayriqonuniy xatti-harakatlari toʻxtatilib, ommaviy tartibsizlik uyushtirishga urinishlar tarqalishiga chek qoʻyildi.
Shuni ishonch bilan aytamizki, davlatimiz vaziyatni yanada beqarorlashtirilishiga yoʻl qoʻymaslik uchun barcha zarur salohiyatga ega. Ommaviy tartibsizliklar tashkilotchilarining bir guruhi hamda huquqni muhofaza etuvchi organlarga faol qarshilik koʻrsatgan shaxslar qoʻlga olingan. Hozirda ularga nisbatan tergov-surishtiruv harakatlari olib borilmoqda. Barcha igʻvogarlarning shaxsi aniqlanadi va ular amaldagi qonun hujjatlariga muvofiq javobgarlikka tortilishi taʼminlanadi.
Respublikadan tashqaridagi nosogʻlom kuchlarning Qoraqalpogʻistondagi vaziyat rivojiga, shu jumladan aniq yoʻnaltirilgan axborot xurujlari va roʻy berayotgan voqealarni qasddan buzib koʻrsatish orqali taʼsir qilishga urinishlari qayd etilmoqda.
Yuzaga kelgan vaziyatda jamoat xavfsizligi va barqarorligini taʼminlashda, fuqarolarni gʻayriqonuniy xatti-harakatlardan ogohlantirib, yuzaga kelgan masalalarni qonun doirasida hal qilishda birgalikda saʼy-harakat qilishga chaqiramiz."
Konstitutsiya islohoti

Oʻzbekistonda 2022 yilda konstitutsion islohot oʻtkazilmoqda. Ushbu maqsadda Respublikada Konstitutsion komissiya tuzilgan va kelib tushgan takliflar asosida konstitutsiyaviy qonun loyihasi ishlab chiqilgan.

Ushbu qonun loyihasi 25 iyun kuni umumxalq muhokamasi uchun "Xalq soʻzi" va "Narodnoye slovo" gazetalarida hamda Meningkonstitutsiyam.uz elektron platformalari orqali eʼlon qilin edi. Muhokama 5 iyulga qadar davom etadi.

KengaytirishYigʻishtirish
Yangiliklar lentasi
0