Dunyoda

Yevropada epidemiologik vaziyat murakkablashmoqda - JSST

© Sputnik / Aleksey VitvitskiyZdaniye shtab-kvartirы Vsemirnoy organizatsii zdravooxraneniya v Jeneve.
Zdaniye shtab-kvartirы Vsemirnoy organizatsii zdravooxraneniya v Jeneve.  - Sputnik Oʻzbekiston, 1920, 04.07.2022
Obuna boʻlish
Yandex newsTelegram
Maymun chechagi va koronovirus bilan kasallanganlar soni oshmoqda.
TOSHKENT, 4 iyul – Sputnik. Maymun chechagi virusidan eng koʻp Yevropa aholisi aziyat chekmoqda. Bu haqda Jahon sogʻliqni saqlash tashkiloti maʼlum qildi.
Hozirgacha Yevropa roʻyxatga olingan bemorlar soni dunyo boʻyicha tasdiqlangan jami koʻrsatkichning qariyb 90 foiziga teng. Xususan, mazkur xavfli infektsiya qitʼaning 31 mamlakatida qayd etilgan.
Shu bois Jahon sogʻliqni saqlash tashkilotining Yevropa mintaqaviy byurosi direktori Xans Klyuge hukumatlarni kasallikka qarshi oʻzaro saʼy-harakatlarni birlashtirishga chaqirdi.
JSST vakilining taʼkidlashicha, shu kunga qadar maymun chechagidan Yevropada oʻlim holatlari kuzatilgani yoʻq. Ammo bu xotirjamlik uchun asos boʻlolmaydi.
Chunki toshma, isitma, charchoq, bosh, tomoq va mushaklar ogʻrigʻi, qusish, diareya kabi belgilar bilan namoyon boʻlayotgan mazkur xastalik geografiyasi kun sayin kengayib boryapti.
Bundan tashqari, Yevropada keyingi bir oy ichida koronavirus infektsiyasini yuqtirish holatlari ham uch barobar oshgan.
“Ayni paytda “koʻhna qitʼa”ning 53 davlatida kuniga 500 ming nafarga yaqin kishida COVID-19 aniqlanmoqda. Shu bilan birga, oʻlim koʻrsatkichlari ham 2020 yil yoz mavsumi darajasiga yaqinlashdi: kuniga qariyb 500 kishi koronavirus tufayli hayotdan koʻz yumyapti”, deyiladi xabarda.
JSST xulosasiga koʻra, aholi oʻz vaqtida, toʻliq bosqichda emlanishi, qolaversa, jamoat joylarida niqob taqib yurishi zarur.
Eslatib oʻtamiz, maymun chechagi ellikka yaqin mamlakatga tarqalib ulgurdi. Iyun oyida Ispaniya 700ga yaqin koʻrsatkich bilan eng koʻp maymun chechagi qayd etilgan mamlakatga aylangandi.
Yangiliklar lentasi
0