Jamiyat

Konstitutsiyaning Qoraqalpogʻistonga oid moddalari oʻzgartirilmaydi

© Oʻzbekiston respublikasi Oliy majlis Qonunchilik palatasiKonstitutsiyaviy qonun loyihasi muhokamasi
Konstitutsiyaviy qonun loyihasi muhokamasi - Sputnik Oʻzbekiston, 1920, 04.07.2022
Obuna boʻlish
Yandex newsTelegram
Oʻzbekiston Respublikasi Konstitutsiyasining 70, 71, 72, 74 va 75-moddalar oʻzgarishsiz qoldirilib, amaldagi normalar saqlab qolinadi.
TOSHKENT, 4 iyul – Sputnik. Konstitutsiyaga oʻzgartish va qoʻshimchalar kiritishga oid qonun loyihasidan Qoraqalpogʻiston Respublikasi maqomiga oid qismi chiqarildi.
Bu haqidagi qaror bugun boʻlib oʻtgan Oliy Majlis Qonunchilik palatasining navbatdagi majlisida bir ovozdan qabul qilindi.
Majlisda quyi palatasining Korruptsiyaga qarshi kurashish va sud-huquq masalalari qoʻmitasi raisi Jahongir Shirinov Konstitutsiyaning 70, 71, 72, 74 va 75-moddalarini oʻzgarishsiz qoldirish taklifini bildirdi.
Umumxalq muhokamasi davomida “Oʻzbekiston Respublikasining Konstitutsiyasiga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Konstitutsiyaviy qonuni loyihasi yuzasidan Qoraqalpogʻiston aholisidan kelib tushayotgan taklif va mulohazalar yuzasidan Oʻzbekiston Respublikasining Prezidenti Shavkat Mirziyoyev tomonidan Qoraqalpogʻiston Respublikasi Joʻqorgʻi Kengesi deputatlari hamda Qoraqalpogʻiston Respublikasi faollari bilan boʻlib oʻtgan uchrashuvda bildirgan takliflarini inobatga olish zarur deb topdi.

Yaʼni, Qonunchilik palatasi Oʻzbekiston Respublikasi Konstitutsiyasining 70, 71, 72, 74 va 75-moddalari oʻzgarishsiz qoldirilib, amaldagi normalarni saqlab qolish maqsadga muvofiq degan qarorga keldi.

Avvalroq, umumxalq muhokamasiga qoʻyilgan Konstitutsiyaga oʻzgartish va qoʻshimchalar kiritish boʻyicha qonun loyihasi muddati 15 iyulga qadar uzaytirilgani haqida xabar bergan edik.
Yangiliklar lentasi
0