Jamiyat

Buxoro choʻlida qadimiy gʻorlar topildi

© Buxoro viloyati madaniy meros boshqarmasi matbuot xizmati.Buxorodagi choʻldan qadimiy gʻorlar topildi
Buxorodagi choʻldan qadimiy gʻorlar topildi - Sputnik Oʻzbekiston, 1920, 05.07.2022
Obuna boʻlish
Yandex newsTelegram
Ushbu gʻorlarda XII-XIII asrlarda mahalliy aholi tomonidan qurilish materiallari, gususan ganch qazib olingani aniqlandi.
TOSHKENT, 5 iyul – Sputnik. Buxoro viloyatining Kogon tumanidagi choʻl hududidan mahalliy aholi koʻmagi bilan toʻrtta qadimiy gʻor topildi. Bu haqda viloyat Madaniy meros boshqarmasi Matbuot xizmati maʼlum qildi.
Xabarga koʻra, boshqarma hamda Fanlar Akademiyasining milliy arxeologiya markazi mutaxassislaridan iborat ishchi-guruh aholi koʻrsatmasiga asosan, Kogon tumanining choʻl hududiga qadimgi gʻorlar qoldiqlarini oʻrgangan.
© Buxoro viloyati madaniy meros boshqarmasi matbuot xizmati.Buxorodagi choʻldan qadimiy gʻorlar topildi
Buxorodagi choʻldan qadimiy gʻorlar topildi - Sputnik Oʻzbekiston, 1920, 05.07.2022
Buxorodagi choʻldan qadimiy gʻorlar topildi
Gʻorlar choʻl zonasida yantoq oʻsgan qum tagidagi, sargʻish rangli ohaktoshlar qatlami ostidagi pastlikka kirib ketgan. Ularning kirish qismi qumlar va oʻpirilgan toshlar bilan koʻmilib, tashqi koʻrinishidan, oddiy yoʻlovchilar uchun deyarli bilinmaydi. Ular bir biridan yuzlab metr masofalanib, qandaydir tizim va bogʻlanishi aniqlanmagan.
“Gʻorlarning nima maqsadda qurilganini bilish uchun bizni olib kelgan mahalliy yurtdoshimiz bilan ichiga kirish uchun gʻorlarning eng yirigi tanlab olindi. Gʻorning ichki qismi qum va oʻpirilgan toshlar bilan bosilganligi sababli egilib, bukilib, asta sekin, toʻliq qorongʻulikda yoritish jihozlari yordamida 80-100 metr masofa va 10-15 metr pastlikka tushildi. Gʻorning ayrim joylari juda tor, ayrim joylari keng, ayrim joylaridan boshqa tomonga ketgan qoʻshimcha yoʻnalishlar ochilgan”, deyiladi xabarda.
© Buxoro viloyati madaniy meros boshqarmasi matbuot xizmati.Buxorodagi choʻldan qadimiy gʻorlar topildi
Buxorodagi choʻldan qadimiy gʻorlar topildi - Sputnik Oʻzbekiston, 1920, 05.07.2022
Buxorodagi choʻldan qadimiy gʻorlar topildi
Aniqlanishicha, gʻorning geologik qatlamlari asosan ohaktoshdan iborat boʻlgani sababli, gʻor oʻrta asrlar davrida (XII-XIII) mahalliy konchilar tarafidan qazilib yer ostki zahiralaridan juda keng koʻlamda foydalangan hamda ganch qurilish materialining xomashyosi olingan.
Tarixiy manbalarga koʻra, Buxoro shahrining shimoliy-sharqiy tomonlarida qadimiy yuqori sifatdagi ganch konlari mavjudligi, oʻrta asrlarda qurilgan hozirda saqlanib qolgan tarixiy binolarning qurilishida shu konlardan keltirilgan ganch materialidan keng foydalanganligi yozib qoldirilgan. Konlardan keltirilgan dagʻal ganchlar qoʻl mehnati yordamida ezilib, pishirtirilgan va tarixiy binolarni qurishda obi gʻishtlar orasidagi angaf qorishmasiga qoʻshilgan hamda masjidlarning ichki qismini ganchkorlik sanʼati yordamida bezash ishlarida ishlatilgan.
© Buxoro viloyati madaniy meros boshqarmasi matbuot xizmati.Buxorodagi choʻldan qadimiy gʻorlar topildi
Buxorodagi choʻldan qadimiy gʻorlar topildi - Sputnik Oʻzbekiston, 1920, 05.07.2022
Buxorodagi choʻldan qadimiy gʻorlar topildi
Gʻorning kengroq qismlarida oʻrta asrlar(XII-XIII asrlar)ga tegishli sopol qoldiqlari, asosan katta va kichikroq suv saqlanadigan koʻzalar boʻlaklari, shuningdek, qoʻylar va tuyalar suyaklari topildi. Bu topilmalar gʻorlar ichida odamlar yashaganligi, qanaqadir mehnat faoliyati bilan shugʻullanganligidan dalolat beradi.
Bundan tashqari, Buxoro–Qarshi avtomobil trassasining 193 km masofasi chekkasida yana bir gʻor ichida tabiiy shishasimon geologik xomashyo koʻrinishidagi materiallar mavjudligi ham aniqlandi. Ushbu material shishaga oʻxshash boʻlib, yorugʻlikni yaxshi oʻtkazadi hamda oʻrta asrlar davri arxitekturasida keng ishlatilgan.
© Buxoro viloyati madaniy meros boshqarmasi matbuot xizmati.Buxorodagi choʻldan qadimiy gʻorlar topildi
Buxorodagi choʻldan qadimiy gʻorlar topildi - Sputnik Oʻzbekiston, 1920, 05.07.2022
Buxorodagi choʻldan qadimiy gʻorlar topildi
Soʻngi oʻrta asrlar davrida ushbu hududdagi gʻorlardan choʻponlik faoliyatini olib borgan mahalliy aholi dam olish va qor-yomgʻirlardan saqlanish maqsadida boshpana sifatida foydalangan. Shuningdek, dushmanlar bostirib kelgan paytlarida yashirinish va oʻz jonini saqlash uchun ham foydalanilgan degan taxminlar ham mavjud.
Taʼkidlanishicha, hozirda, mazkur tarixiy gʻorlarni belgilangan tartibda moddiy madaniy meros obʼyektlarining Milliy roʻyxatiga kiritish va davlat muhofazasiga olish boʻyicha ishlar olib borilmoqda.
Yangiliklar lentasi
0