Jamiyat

Jismoniy tarbiya va sport boʻyicha malaka oshirish instituti tashkil etiladi

© Sputnik / Vladimir AstapkovichRobert Gardosh (Avstriya) v chetvertfinalnom matche po nastolnomu tennisu protiv Aleksandra Shibayeva (Rossiya) na I Yevropeyskix igrax v Baku.
Robert Gardosh (Avstriya) v chetvertfinalnom matche po nastolnomu tennisu protiv Aleksandra Shibayeva (Rossiya) na I Yevropeyskix igrax v Baku. - Sputnik Oʻzbekiston, 1920, 05.07.2022
Obuna boʻlish
Yandex newsTelegram
Jismoniy tarbiya va spot boʻyicha mutaxassislarni ilmiy-metodik taʼminlash, qayta tayyorlash va malakasini oshirish markazi institutga aylantiriladi.
TOSHKENT, 5 iyul – Sputnik. Jismoniy tarbiya va sport boʻyicha mutaxassislarni ilmiy-metodik taʼminlash, qayta tayyorlash va malakasini oshirish markazi Jismoniy tarbiya va sport boʻyicha mutaxassislarni qayta tayyorlash va malakasini oshirish institutiga aylantiriladi. Bu haqda Vazirlar Mahkamasining tegʻishli qarorida belgilangan.
Qarorga muvofiq, institut quyidagi sohalar uchun kadrlar tayyorlaydi:
maktabgacha taʼlim tashkilotlarining jismoniy tarbiya instruktorlari;
umimiy oʻrta va oʻrta maxsus taʼlim, professional taʼlim muassasalarining jismoniy tarbiya fani oʻqituvchilari;
oliy taʼlim muassasalarining jismoniy tarbiya va sport yoʻnalishlari boʻyicha rahbar va pedagog kadrlari;
olimpiya va paralimpiya zaxiralari kollejlari;
sport turlari boʻyicha ixtisoslashtirilgan davlat maktab-internatlari, sport maktablarining rahbar kadrlari, instruktor-metodistlari, maxsus fan oʻqituvchilari, trenerlari, sport psixologlari;
maxsus xizmat xodimlari hamda sport tashkilotlarining jismoniy tarbiya va sport boʻyicha mutaxassislarini qayta tayyorlaydi va malakasini oshiradi.
Bundan tashqari, muassasa mehnat bozori ehtiyojlarini hisobga olgan holda, kasbiy maʼlumotga ega boʻlmagan sport taʼlim muassasalari xodimlari uchun qoʻshimcha ixtisoslik boʻyicha pulli asosda qayta tayyorlash va malaka oshirish kurslarini tashkil etadi.
Shuningdek, yangi institut xalqaro aloqalarni kengaytiradi va mustahkamlaydi, konferentsiyalar, koʻrgazmalar va boshqa tadbirlar oʻtkazish orqali jismoniy tarbiya va sport sohasida mamlakatimiz yutuqlarini xalqaro darajada keng yoritadi, xorijiy taʼlim muassasalari bilan yaqin hamkorlikni yoʻlga qoʻyadi.
Yangiliklar lentasi
0