Iqtisod

Sardor Umurzakov Afgʻoniston delegatsiyasi bilan uchrashdi

© Press-slujba Ministerstva investitsiy i vneshney torgovli UzbekistanaVstrecha ministra investitsiy i vneshney torgovli Uzbekistana Sardora Umurzakova s delegatsiyey Afganistana vo glave s ispolnyayuщim obyazannosti ministra promыshlennosti i torgovli Nuridinom Azizi.
Vstrecha ministra investitsiy i vneshney torgovli Uzbekistana Sardora Umurzakova s delegatsiyey Afganistana vo glave s ispolnyayuщim obyazannosti ministra promыshlennosti i torgovli Nuridinom Azizi. - Sputnik Oʻzbekiston, 1920, 05.07.2022
Obuna boʻlish
Yandex newsTelegram
Ikki mamlakat oʻzbek-afgʻon munosabatlarining dolzarb masalalarini muhokama qilish va hal etish boʻyicha doimiy aloqalarni davom ettiradi.
TOSHKENT, 5 iyul – Sputnik. Investitsiyalar va tashqi savdo vaziri Sardor Umurzakov Afgʻoniston sanoat va savdo vaziri vazifasini bajaruvchi Nuriddin Aziziy boshchiligidagi delegatsiyani qabul qildi.
Uchrashuv chogʻida investitsiyalar, savdo, transport va logistika sohasidagi oʻzbek-afgʻon hamkorligi kun tartibidagi masalalar yuzasidan fikr almashildi va ushbu so=alarda qoʻshma tashabbuslarni amalga oshirishga oid navbatdagi tadbirlar kelishib olindi.
“Ikki tomonlama savdo aylanmasini koʻpaytirish va ikki mamlakat hududlari orqali yuk tashish hajmini oshirish boʻyicha birgalikda takliflarni tayyorlashga kelishildi”, deyiladi xabarda.
Shuningdek, oʻzaro manfaatli sheriklik salohiyatini oʻrganish maqsadida oʻzbek va afgʻon ishbilarmon doiralari oʻrtasida toʻgʻridan-toʻgʻri aloqalarni oʻrnatish boʻyicha birgalikda ish olib borishning istiqbollari qayd etildi.
Muloqot doirasida “Termiz – Mozori-Sharif – Kobul – Peshavor” trans-afgʻon temir yoʻlini qurish loyihasini amalga oshirish chora - tadbirlari koʻrib chiqildi. Iyul oyining ikkinchi yarmida temir yoʻl yoʻnalishi boʻylab dala tadqiqotlarini tashkil etishning amaliy jihatlari muhokama qilindi.
Oʻzbekiston tomoni afgʻon xalqiga gumanitar yordam koʻrsatishni davom ettirish va Afgʻoniston bilan ustuvor yoʻnalishlarda hamkorlikni rivojlantirishga tayyorligini bildirdi.
Uchrashuv yakunida tomonlar oʻzbek-afgʻon munosabatlarining dolzarb masalalarini muhokama qilish va hal etish boʻyicha doimiy aloqalarni davom ettirishga kelishib oldilar.
Yangiliklar lentasi
0