Iqtisod

Shavkat Mirziyoyev oʻz maslahatchisi Suma Chakrabartini qabul qildi

© Press-slujba prezidenta UzbekistanaSuma Chakrabarti i Sardor Umurzakov
Suma Chakrabarti i Sardor Umurzakov - Sputnik Oʻzbekiston, 1920, 05.07.2022
Obuna boʻlish
Yandex newsTelegram
Uchrashuvda 2022 — 2026 yillarda mamlakatdagi iqtisodiy islohotlarni davom ettirish va natijadorligini oshirish masalalari muhokama qilindi.
TOSHKENT, 5 iyul – Sputnik. Prezident oʻzining iqtisodiy taraqqiyot, samarali boshqaruv va xalqaro hamkorlik masalalari boʻyicha maslahatchisi Suma Chakrabartini qabul qildi.
Uchrashuvda 2022 — 2026 yillarga moʻljallangan Yangi Oʻzbekistonning Taraqqiyot strategiyasi doirasida mamlakatdagi iqtisodiy islohotlarni davom ettirish va natijadorligini oshirish masalalari muhokama qilindi.
Maslahatchi Chakrabarti Oʻzbekistonda iqtisodiyotning muhim tarmoqlarini modernizatsiya qilish va raqobatbardoshligini oshirish, jamiyat hayotining barcha sohalarini transformatsiya qilish va raqamlashtirish, investitsiya va ishbilarmonlik muhitini yaxshilash, kadrlarning yangi avlodini tayyorlash borasidagi oʻzgarishlarni yuksak baholadi.
Suma Chakrabarti bundan buyon ham yangi oʻsish nuqtalarini topish va roʻyobga chiqarishda Oʻzbekiston Hukumatiga koʻmaklashishga bor saʼy-harakatini yoʻnaltirishga tayyorligini bildirdi.
Maʼlumot uchun, Suma Chakrabarti Hindistonda tugʻilgan, 5 yoshida oilasi Buyuk Britaniyaga koʻchib oʻtgan. Chakrabarti Oksford universitetini iqtisodiyot yoʻnalishi boʻyicha yakunlagan. Shundan soʻng Britaniya hukumatining iqtisodiy boshqarmasida ishlagan. 1980 yillarda Britaniya hukumati tomonidan XVJ va Jahon Bankiga ishga joʻnatilgan. 1996 yildan boshlab Britaniya Gʻaznachiligida va Vazirlar Mahkamasida ishlagan. 2002-2007 yillarda Britaniya tashqi iqtisodiy rivojlanish vazirligida ishlagan. 2012 yilda Suma Chakrabarti YETTB raisi etib saylangan va 2020 yilga qadar ushbu lavozimda ishlagan.
Yangiliklar lentasi
0