Dubayda dunyodagi eng katta kutubxona ochildi

© O‘zbekiston musulmonlari idorasi matbuot xizmatiArab dunyosidagi yangi yirik kutubxona ochildi
Arab dunyosidagi yangi yirik kutubxona ochildi - Sputnik O‘zbekiston, 1920, 06.07.2022
Obuna bo‘lish
Maydoni 55000 m2 bo‘lgan yangi Muhammad bin Rashid kutubxonasi Arab dunyosidagi yangi yirik kutubxonaga aylandi.
TOShKENT, 6-iyul – Sputnik. Dubayda g‘ayrioddiy yangi binoning tantanali ochilishi bo‘lib o‘tdi. Maydoni 55000 m2 bo‘lgan yangi Muhammad bin Rashid kutubxonasi Arab dunyosidagi yangi yirik kutubxonaga aylandi. Bu haqda O‘zbekiston musulmonlari idorasi matbuot xizmati xabar berdi.
To‘qqizta ixtisoslashgan kutubxonani birlashtirgan muassasada arab va xorijiy tillarda 1,1 milliondan ortiq bosma va raqamli kitoblar va 6 millionga yaqin ilmiy ishlar mavjud. Shuningdek, kutubxonada 75 000 ta video, 5 000 ta tarixiy jurnal va 500 ta noyob kolleksiya bor.
Bino nafaqat qisman quyosh energiyasi bilan ishlaydi, balki iste’mol qilishning 50 foizigacha chiqindilar sonini qisqartirishga imkon beradigan suvni qayta ishlash tizimiga ega. Bundan tashqari, kutubxonaga kiraverishda robotlar xodimlarni almashtiradi, mehmonlarni sevimli kitoblariga yo‘naltiradi. Bino turli xil mavzuli xonalarga bo‘lingan va ko‘plab o‘z-o‘ziga xizmat ko‘rsatish kioskalari bilan jihozlangan.
Islam.ru xabariga ko‘ra, 260 million yevroga teng ushbu ulkan loyihani bunyod etishga bosh-qosh bo‘lgan Amir Muhammad bin Rashid Al Maktum, shuningdek, mintaqadagi eng muhtoj maktablarga uch million dona kitob tarqatilishini e’lon qildi.
Yangiliklar lentasi
0