Madaniyat

Surxondaryoda Yunon-Baqtriya tarixi muzeyi tashkil etiladi

© MinturizmaV Surxandarinskoy oblasti budet postroyen greko-baktriyskiy muzey
V Surxandarinskoy oblasti budet postroyen greko-baktriyskiy muzey - Sputnik Oʻzbekiston, 1920, 06.07.2022
Obuna boʻlish
Yandex newsTelegram
Sayrob qishlogʻida tashkil etilayotgan muzey bilan bir qatorda turizm infratuzilmasini yaxshilash va boshqa xizmat turlarini koʻrsatish ham yoʻlga qoʻyiladi.
TOSHKENT, 6 iyul – Sputnik. Surxondaryoda Yunon-Baqtriya tarixi muzeyini tashkil etish boʻyicha dastlabki ishlari boshlandi. Bu haqda Turizm va madaniy meros vazirligi xabar berdi.
Dastlab muzey uchun ajratilgan joylarning koordinatlari aniqlanib, hudud xaritasiga kiritildi va 21x14 metr maydonda muzey loyihasini tuzish boʻyicha kelishib olindi, deyiladi xabarda.

“Sayrob turizm qishlogʻida tashkil etilayotgan muzey bilan bir qatorda turizm infratuzilmasini yaxshilash va boshqa xizmat koʻrsatish turlarini joriy etish boʻyicha targʻibot ishlari olib borilmoqda”, deydi viloyat Turizm va madaniy meros boshqarmasi boshligʻi oʻrinbosari Zebuniso Alimardonova.

Taʼkidlanishicha, Madaniy meros agentligi tomonidan yodgorlikning muhofaza hududini belgilash, obʼyektni pasportlashtirish, restavratsiya va konservatsiya qilish boʻyicha ham loyihalar tayyorlanmoqda.
Maʼlumot uchun, Yunon-Baqtriya podsholigi tarixiga oid tadqiqotlar XVIII asrlarda boshlangan. XX asrning ikkinchi yarmida Baqtriya sanʼatida juda koʻplab yunon afsonalaridagi xudolari, shuningdek, barhodirlari tasvirlangan yunon uslubida zarb qilingan tangalar topilgan.
Yunon Baqtriya davriga mansub eng mashhur yodgorlik shimoliy Afgʻonistondagi Oyxonum va janubiy Tojikistondagi Taxti Sangin yodgorliklari hisoblanadi.
Yangiliklar lentasi
0