Jamiyat

Abdulaziz Kamilov BMT bosh kotibi Guterrish bilan uchrashdi

© Oʻzbekiston Tashqi ishlar vazirligi matbuot xizmatiAbdulaziz Komilov BMT Bosh kotibi Antoniu Guterrish bilan uchrashdi
Abdulaziz Komilov BMT Bosh kotibi Antoniu Guterrish bilan uchrashdi - Sputnik Oʻzbekiston, 1920, 07.07.2022
Obuna boʻlish
Yandex newsTelegram
Kecha Abdulaziz Kamilov AQShda BMT Bosh kotibi Antoniu Guterrish bilan uchrashdi.
TOSHKENT, 7 iyul - Sputnik. Amaliy tashrif bilan Amerika Qoʻshma Shtatlarida boʻlib turgan Oʻzbekiston Respublikasi prezidentining Maxsus vakili Abdulaziz Kamilov boshchiligidagi delegatsiya 6 iyul kuni BMT Bosh kotibi Antoniu Guterrish bilan uchrashdi. Bu haqda Tashqi ishlar vazirligi matbuot xizmati xabar berdi.
Qayd etilishicha, muloqotda Oʻzbekiston va BMT oʻrtasidagi hamkorlikning holati va istiqbollari, mintaqaviy xavfsizlik hamfa barqaror rivojlanish masalalari muhokama qilingan.
Bosh kotib Oʻzbekistonning 26 iyul kuni Toshkent shahrida “Afgʻoniston: xavfsizlik va iqtisodiy taraqqiyot” mavzusidagi xalqaro konferentsiyani oʻtkazish tashabbusini qoʻllab-quvvatlagan. Mazkur forumda BMTdan yuqori darajadagi vakillar ishtirok etadi.
“Antoniu Guterrish Oʻzbekistonda amalga oshirilayotgan konstitutsiyaviy islohotlarning mazmun-mohiyati va ustuvor yoʻnalishlari haqidagi maʼlumotlarni katta qiziqish bilan tingladi. Tomonlar oʻzaro hamkorlik kun tartibidagi boshqa dolzarb masalalar yuzasidan fikr almashdi”, deyiladi xabarda.
Yangiliklar lentasi
0