Jamiyat

Andijonda 37 kishi ovqatdan zaharlandi

© Sputnik / Aleksey Mayshev / Fotobankka oʻtishRabota skoroy pomoщi v Moskve
Rabota skoroy pomoщi v Moskve - Sputnik Oʻzbekiston, 1920, 07.07.2022
Obuna boʻlish
Yandex newsTelegram
Bemorlarga “Oʻtkir gastroenterit” tashxisi qoʻyilgan, biroq hozirda ularning umumiy ahvoli qoniqarli.
TOSHKENT, 7 iyul - Sputnik. Andijonning Qoʻrgʻontepa tumanida 37 kishi fast-fuddan zaharlandi. Bu haqida Sanitariya-epidemiologiya osoyishtalik va jamoat salomatligi xizmati Matbuot xabar berdi.
Qayd etilishicha, kecha, 6 iyul kuni soat 12:10 da Qoʻrgʻontepa tuman Yuqumli kasalliklar shifoxonasiga 16 yoshli fuqaro Gʻ. M. koʻngil aynishi, qusish, bosh ogʻrigʻi va ich ketishi shikoyatlari bilan murojaat qilgan.
Bemorda zaruriy tibbiy muolajalar oʻtkazilib, kasallik sabablari oʻrganilganda, u joriy yilning 5 iyul kuni tuman markazida joylashgan “FRESH FOOD 2020” oilaviy korxonasiga qarashli ovqatlanish shoxobchasidan nonbyrger sotib olib, isteʼmol qilgani maʼlum boʻlgan.
Shu kunning oʻzida soat 18:30 ga qadar yana 16 nafar fuqaro yuqoridagi shikoyatlar bilan tuman Yukumli kasalliklar shifoxonasiga murojaat qilishgan. Barcha bemorlarning oshqozoni yuvilib zaruriy tibbiy muolajalar oʻtkazilgan.
Bemorlarga “Oʻtkir gastroenterit” tashxisi qoʻyilgan, biroq hozirda ularning umumiy ahvoli qoniqarli.
Kecha soat 23:00 holatiga shifoxonaga jami 37 nafar bemor murojaat qilgan boʻlib, bemorlarning 17 nafari davolanmoqda, qolgan 20 nafari umumiy holatiga koʻra tibbiy kuzatuvga olingan.
Xabarga koʻra, kasallikka sabab boʻlgan omillarni aniqlash maqsadida “FRESH FOOD 2020” oilaviy korxonasiga qarashli ovqatlanish shoxobchasida epidemiologik surishtiruv ishlari olib borilmoqda. “FRESH FOOD 2020” oilaviy korxonasiga qarashli 3 ta shoxobcha faoliyati shu kunning oʻzida vaqtinchalik toʻxtatildi va mahsulotlar tayyorlash xonasi hamda omborxonadagi mahsulotlardan namunalar olinib, Qoʻrgʻontepa tuman Sanepidxizmat laboratoriyasiga tekshirish uchun yuborilgan.
Viloyat prokuraturasi matbuot xizmatiga koʻra, ayni vaqtda holat yuzasidan jinoyat ishi qoʻzgʻatilgan.
Yangiliklar lentasi
0