Madaniyat

Buxoroning 7 ta obidasi Islom olami madaniy merosi roʻyxatiga kiritildi

© SputnikDostoprimechatelnosti v Buxare
Dostoprimechatelnosti v Buxare - Sputnik Oʻzbekiston, 1920, 07.07.2022
Obuna boʻlish
Yandex newsTelegram
Tarixiy obidalarning roʻyxatga olinishi mamlakatning boy madaniy merosini butun dunyoga targʻib etishda katta ahamiyat kasb etadi.
TOSHKENT, 7 iyul – Sputnik. Buxoroda joylashgan madaniy meros obʼyektlari Islom olami madaniy merosi roʻyxatiga olindi. Bu haqda Madaniy meros agentligi xabar berdi.
Morokko qiroligida boʻlib oʻtgan ICESCO (IslamiC World Educational, Scientific and Cultural Organization) 10 sessiyasida Buxorodagi 7 ta madaniy meros obʼyekti roʻyxatga olindi va sertifikatlar topshirildi.
Islom olami madaniy merosi roʻyxatiga kiritilgan obidalar:
Ismoil Somoniy maqbarasi;
Chor Bakr;
Bahouddin Naqshband majmualari;
Magʻoki Attor masjidi;
Poyi kalon ansambli;
Qadimgi Poykent shahri qoldiqlari;
Toshsaroy madrasasi.
“Mamlakat tarixiga oid obidalarning ICESCO roʻyxatiga olinishi boy madaniy merosni butun dunyoga targʻib etishda katta ahamiyat kasb etadi”, deyiladi xabarda.
Eslatib oʻtamiz, ICESCO islom olamining 9 sessiyasida Qoʻmitaga aʼzo davlatlar tomonidan Islom olami merosi roʻyxatiga kiritish uchun nomzodlar taklif etilgandi.
Unda Oʻzbekistondan tashqari, Iordaniya(1ta), Eron (5 ta), Bangladesh (3 ta), Jazoir (1), Iroq (5 ta), Falastin (7 ta), Qatar (3 ta), Kamerun (1 ta), Liviya (16 ta), Misr (3 ta), Marokash (6 ta) davlatlarida joylashgan obidalar ham Islom Olami Merosi roʻyxatiga kiritilgan.
Yangiliklar lentasi
0