Iqtisod

Oʻzbekiston va BAA yirik logistika klasteri yaratishadi

© Sputnik / Vitaliy Timkiv / Fotobankka oʻtishJeleznaya doroga
Jeleznaya doroga - Sputnik Oʻzbekiston, 1920, 07.07.2022
Obuna boʻlish
Yandex newsTelegram
Logistika va yuk tashish sohasida qoʻshma korxona tashkil etish toʻgʻrisida kelishuv imzolandi.
TOSHKENT, 7 iyul – Sputnik. Abu-Dabining “AD Ports Group” kompaniyasi va Sanoat Energetika Guruhi (SEG) logistika va yuk tashish sohasida yangi biznes ochish uchun qoʻshma korxona tashkil etadi.
Qoʻshma korxona ikki kompaniya logistika va ekspeditorlik xizmatlari, yuk tashish, konteyner omborlari, omborxonalar va boshqa logistika infratuzilmalarini rivojlantirish, shartnomaviy logistika va bojxona rasmiylashtiruvi sohasida hamkorlikni yoʻlga qoʻyish imkoninin beradi.
Yaqin kelajakda tomonlar logistika markazi negizida oziq-ovqat va xalq isteʼmol tovarlarining transport oqimini tashkil etish orqali uning faoliyatini kengaytirishni rejalashtirmoqda. Loyihani qoʻllab-quvvatlash maqsadida AD Ports Group Oʻzbekistonda oʻzining birinchi xorijiy vakolatxonasini ochadi.
“Ushbu kelishuv Oʻzbekiston bilan strategik sherikligimizni mustahkamlaydi. Biz asosiy logistika muammolarini hal qilish va mamlakatda mavjud imkoniyatlardan foydalanish uchun AD Ports Group tajribasi va resurslaridan foydalanishdan mamnunmiz. Biz yangi ishlab chiqarish-sotish zanjirlarini yaratish va yangi savdo yoʻllarini ochish orqali mamlakatning iqtisodiy salohiyatini kengroq ochishga hissa qoʻshishimiz mumkinligiga ishonamiz”, deydi “AD Ports Group” raisi Falah Muhammad Al Ahbobiy Janobi Oliylari.
Uning soʻzlariga koʻra, iqtisodiy markazlar va logistika markazlarini yaratish boʻyicha kompaniya salohiyati ixtisoslashtirilgan oziq-ovqat markazi, ichki portlar va omborlarni yaratishda samarali ish beradi.
“Yangi qoʻshma korxonalar orqali jahon bozoriga yanada kengroq mahsulot turlarini olib chiqish imkoniyatiga ega boʻlamiz, bu ham mamlakatimiz siyosatiga, ham SEGni vertikal integratsiyalashgan kompaniyaga aylantirish siyosatiga toʻliq mos keladi. Hamkorlikda ilgʻor raqamli xizmatlar bilan jihozlangan va jahon miqyosidagi logistika obʼyektlari, jumladan, transportlararo yuk joʻnatmalari tomonidan qoʻllab-quvvatlanadigan yangi savdo koridorlari yaratiladi”, deydi Sanoat Energetika Guruhi direktorlar kengashi raisi Baxtiyor Fazilov.
Qayd etilishicha, ushbu kelishuv Oʻzbekistonda yangi ish oʻrinlari yaratish, savdo qilish va rivojlanish uchun yangi imkoniyatlar eshiklarini ochadi.
Yangiliklar lentasi
0