“Tolibon”* O‘zbekistonga kelib tushgan snaradlar bo‘yicha munosabat bildirdi

Obuna bo‘lish
Zabihulloh Mujohidga ko‘ra, toliblar ularni hibsga olish va jazolash uchun qidiruv ishlarini boshlagan.
TOShKENT, 6-iyul — Sputnik. O‘zbekiston hududiga Afg‘oniston tomonidan kelib tushgan 5 ta raketa ikki do‘st mamlakatlar o‘rtasida ixtilof yaratmoqchi bo‘lgan doiralar ishidir. Bu haqda “Tolibon”* Madaniyat va axborot vaziri Zabihulloh Mujohid ma’lum qildi.
“Termizga Afg‘oniston hududidan raketa hujumini uyushtirganlar do‘st O‘zbekiston va Afg‘oniston o‘rtasida ishonchsizlik muhitini yaratishni maqsad qilgan”, deydi vazir.
Zabihulloh Mujohidga ko‘ra, toliblar ularni hibsga olish va jazolash uchun qidiruv ishlarini boshlagan.
Ma’lumot uchun, 5-iyul kuni soat 16:20 da O‘zbekiston hududiga Afg‘oniston tomonidan 5 ta snarad kelib tushdi.
O‘zbekiston TIVning bildirishicha, hozirda O‘zbekistonning vakolatli organlari Afg‘oniston tomoni bilan birgalikda ushbu hodisa sabablarini aniqlash bo‘yicha zarur chora-tadbirlarni amalga oshirmoqda.
* tashkilot terrorchilik faoliyati uchun BMT sanksiyalari ostida
Yangiliklar lentasi
0