Dunyoda

Bu yilgi haj 1 mln ziyoratchi bilan cheklandi

© AFP 2022 / Christina AssiMusulmanskiye palomniki molyatsya u Kaabы v Bolshoy mecheti v Mekke
Musulmanskiye palomniki molyatsya u Kaabы v Bolshoy mecheti v Mekke - Sputnik Oʻzbekiston, 1920, 08.07.2022
Obuna boʻlish
Yandex newsTelegram
Saudiya davlati barcha imkoniyatlarini haj tizimini saqlashga yoʻnaltirdi.
TOSHKENT, 8 iyul – Sputnik. Makkada Buyuk hajning katta 46-simpoziumi boʻlib oʻtdi. Bu haqda Oʻzbekiston musulmonlari idorasi xabar berdi.
“Pandemiyadan keyingi haj: marosimlar va gʻamxoʻrlik" nomli tadbirda Qirollikdan va musulmon olamidan maʼruzachilar, olimlar, huquqshunoslar va ulamolar ishtirok etishdi.
Bu yilgi Buyuk haj simpoziumi ikki kun davomida sessiyalar, munozaralar va maʼruzalarni oʻz ichiga oldi.
Qayd etilishicha, bu yilgi haj Sogʻliqni saqlash vazirligining tavsiyasiga binoan 1 million ziyoratchi bilan cheklangan.
Ikki muqaddas masjid ishlari boshqarmasi raisi shayx doktor Abdul Rahmon Al-Sudais Saudiya davlati barcha imkoniyatlarini haj tizimini saqlashga yoʻnaltirganini aytib oʻtdi.
Shuningdek, u haj marosimlarini siyosiy shiorlar yoki namoyishlarga aylantirish taʼqiqlangani va hajni insof, adolat va tinchlik belgisi sifatida amalga oshirish kerakligini taʼkidladi.
Saudiya Arabistoni Haj va Umra vaziri Tavfiq ar-Rabia Saudiya rahbariyatining pandemiya sharoitida hajni davom ettirish toʻgʻrisidagi qarorini yuqori baholadi.
"Biz 2020 yilda haj marosimlarini oʻtkazmaslikni tavsiya qildik. Biroq, Qirol Salmon ushbu marosimni toʻxtatmaslikka va ziyoratchilar sonini 1000 kishigacha cheklashga qaror qildi. Haj ziyorati esa ziyoratchining xavfsizligini kafolatlovchi barcha ogohlantirish va profilaktika choralariga rioya etilgan holda amalga oshirilib, natijalar dalda beruvchi va ishonchli boʻldi", deydi ar-Rabia.
Eslatib oʻtamiz, Saudiya hukumati haj safari narxiga taʼsir qiluvchi qoʻshimcha soliq va majburiy toʻlovlar joriy qildi. “Haj-2022” mavsumi uchun 1 nafar ziyoratchiga toʻlov miqdori 62 million 900 ming soʻm etib belgilangan edi.
Yangiliklar lentasi
0