Jamiyat

Gʻisht tsexi 12 mlrd soʻmlik gaz oʻgʻirlagani aniqlandi

© OʻzneftgazinspektsiyaVorovstvo gaza v Tashkentskoy oblasti
Vorovstvo gaza v Tashkentskoy oblasti - Sputnik Oʻzbekiston, 1920, 08.07.2022
Obuna boʻlish
Yandex newsTelegram
Yoz mavsumida 63 mingta xonadonni bir oylik isteʼmoliga teng boʻlgan tabiiy gaz talon-taroj qilindi.
TOSHKENT, 8 iyul – Sputnik. Yangiyoʻlda joylashgan pishgan gʻisht ishlab chiqaraditgan tsex tomonidan davlatga 12 mlrd soʻmlik zarar keltirildi. Bu haqida “Oʻzneftgazinspektsiya” xabar berdi.
Davlat xavfsizligi xizmati “Oʻzneftgazinspektsiya” bilan hamkorlikda navbatdagi nazorat tadbirini oʻtkazdi.
Unda “Oʻrtaovul oltin gʻisht” MCHJga qarashli Yangiyoʻl tumani, “U.Musayev” MFY hududida joylashgan pishgan gʻisht ishlab chiqarish tsexi koʻzdan kechirildi.
Aytilishicha, ushbu tsex 2020 yil sentyabr oyida gaz taʼminoti tarmogʻidan uzib qoʻyilgan.
“Tekshiruv jarayonida quvurlari demontaj qilinganligiga qaramasdan gaz hisoblagich oʻrnatmagan holda oʻgʻrincha tabiiy gazdan foydalanib kelinayotganligi aniqlandi”, deyiladi xabarda.
Hisob-kitoblarga asosan, mazkur korxona tomonidan davlat manfaatlariga yetkazilgan zarar miqdori 12 mlrd 586 mln 373 ming soʻmni tashkil etmoqda.
Qayd etilishicha, bu yoz mavsumida 63 mingta xonadonni bir oylik isteʼmoliga teng boʻlgan tabiiy gaz miqdoriga teng.
Yangiliklar lentasi
0